«Qoǧamdy dürlıktırgen taǧy bır maŋyzdy mäsele – äleumettık jelılerdegı arzan aqyl, sapasyz bılım satqyş, bılgışterdıŋ köbeiuı. Baiqap qarasaq, äleumettık jelılerde «baqytqa jetu jolyn körsetemın, jyldam baiudy üiretemın, küizelısten qūtqaramyn, tüpsanaŋdy tüzetemın, bır aida jūldyzǧa ainaldyramyn, tez aryqtatamyn, şet tılınde sairatyp jıberemın» degen sekıldı san türlı kurs, vebinar, trening satuşylar – bloger, biznes-trener, kouch, psiholog, motivatorlardyŋ jarnamasy jeldei esıp, saudanyŋ körıgın qyzdyruda», – dedı Mäjılıs ökılı. 

Sonymen qatar ol mūndai ūnamsyz äreketke şou-biznes ökılderımen bırge aityskerlerdıŋ de baryp jürgenın atap öttı.

«Olardyŋ jüzdegen myŋ teŋgege baǧalanǧan sabaqtaryn jūrt tıptı nesie räsımdep satyp alyp, keiın qaryzǧa belşesınen batyp qalǧany da jasyryn emes. Keibır derekterde elımızdegı osyndai infobiznestıŋ jyldyq ainalymy 500 millin dollarǧa jetkenı aitylǧan. Boljam boiynşa aldaǧy 5 jylda 2 mlrd dollarǧa jetuı mümkın deidı. Aitpaqşy, olar memleketke salyq tölei me özı?! Tıptı mezı bolǧan jūrtşylyq olarǧa tyiym salu maqsatynda 2023 jyldyŋ 23-şı qaraşasynda petisiia da jariialaǧan eken. Ökınışke orai qarausyz qalsa kerek», - deidı deputat.

Sondai-aq ol Ükımet infobiznes platformalarynyŋ mazmūny men ideologiiasyn jäne zaŋdylyǧyna, ony jürgızuşılerdıŋ derekterıne monitoringtı küşeitu kerek dep esepteitının aitty.

«Onlain platforma jäne onlain jarnama turaly» Zaŋǧa säikes, jauapkerşılıkke tartuda uäkılettı organdarǧa tiıstı uäkılettık tolyq berıluı tiıs. Osy uaqytqa deiın atalǧan zaŋ aiasynda qanşa adam jauapkerşılık jüktegenı jaily statistikany aşyp körsetu maŋyzdy. Biznes-trenerler men kouchter üşın arnaiy, käsıbi standarttar bekıtıluı tiıs. Halyq arasynda internet alaiaqtardan, infosyǧandardan qorǧanudyŋ amaldaryn tüsındıru jūmystaryn keŋınen jürgızu qajet», - dedı Jarqynbek Amantaiūly.