Tergeu barysynda «Club GG Poker» mobildı platformasy negızınde qūrylǧan «Nomad Poker» onlain-kazinosynyŋ qyzmetın Qazaqstan azamattary Gruziia aumaǧynan jürgızıp otyrǧany anyqtaldy.
Mūndai shema ūiymdastyruşylardyŋ jeke basyn jasyruǧa, aqşa aǧyndaryn baqylaudy qiyndatuǧa jäne zaŋsyz qyzmettı jürgızu üşın şetel azamattarynyŋ atyna räsımdelgen bank şottary men bailanys qūraldaryn paidalanuǧa mümkındık bergen.
Zaŋsyz oiyn platformasy täulık boiy jūmys ıstep, qatysuşylarǧa onlain-poker formatynda aqşa tıgıp, ūtysty qolma-qol aqşaǧa ainaldyru mümkındıgın ūsynǧan.
Jaŋa qatysuşylardy tartu maqsatynda ūiymdastyruşylar äleumettık jelılerdı, messendjerlerdı jäne jarnama qūraldaryn paidalanǧan.
⚠️ Nätijesınde onlain-kazino qyzmetıne 20 myŋnan astam paidalanuşy tartylǧan.
Sonymen qatar ūiymdastyruşylar üşınşı tūlǧalardyŋ bank şottaryn, iaǧni «dropperlerdıŋ» şottaryn paidalanudyŋ tarmaqtalǧan jüiesın qūrǧan.
Osy maqsatta küdıktıler Qazaqstanǧa şetel azamattarynyŋ ūiymdasqan türde keluın qamtamasyz etıp, olardyŋ atyna 400 AQŞ dollaryna deiıngı syiaqy üşın bank kartalary men mobildı banking räsımdegen.
Tergeu barysynda onlain-kazino qyzmetın qamtamasyz etu üşın 60-tan astam drop-şot paidalanylǧany anyqtaldy. Oiynşylardan tüsken qarajat kölemı 7,5 mlrd teŋgeden asty.
👨⚖️ Sot sanksiiasymen Almaty qalasyndaǧy päterge, üş avtokölıkke, sondai-aq dropperlerdıŋ bank şottaryndaǧy 158 mln teŋge kölemındegı aqşa qarajatyna tyiym salyndy.
Tergeu jalǧasuda.
