Aijan Serıkbaiqyzy 1972 jyly düniege kelgen. Bılımı joǧary. 1997 jyly Qazaq memlekettık medisina universitetın «Sanitariia, gigiena jäne epidemiologiia», 2005 jyly «QDSJM» Qazaqstandyq medisina universitetın «Qoǧamdyq densaulyq saqtau» jäne 2008 jyly Almaty Management University-ın «Densaulyq saqtau menedjmentı» mamandyǧy mamandyqtary boiynşa bıtırgen.
Eŋbek jolyn 1990 jyly Almaty qalasy №7 emhanasynyŋ feldşer-zerthanaşysy bolyp bastaǧan.
Är jyldary Respublikalyq sanitarlyq epidemiologiialyq stansiiasynyŋ epidemiolog-därıgerı, QR Densaulyq saqtau ministrlıgı Sanitarlyq-epidemiologiialyq qadaǧalau komitetınde jetekşı maman, bas maman, sarapşy, basqarma basşy qyzmetterın atqardy.
Sonymen bırge QR Densaulyq saqtau ministrlıgı Memlekettık sanitariialyq-epidemiologiialyq qadaǧalau komitetınıŋ töraǧasy - QR Bas memlekettık sanitariialyq därıgerınıŋ orynbasary, därıgerı, QR Tūtynuşylardyŋ qūqyqtaryn qorǧau agenttıgınıŋ bas memlekettık sanitariialyq därıgerınıŋ orynbasary - epidemiologiialyq qadaǧalau departamentınıŋ direktory, QR Ūlttyq ekonomika ministrlıgı Tūtynuşylardyŋ qūqyqtaryn qorǧau komitetınıŋ bölım basşysy bolyp eŋbek ettı.
QR Densaulyq saqtau ministrlıgınıŋ Strategiialyq damu jäne qoǧamdyq densaulyq saqtau, Qoǧamdyq densaulyq saqtau saiasaty departamentterınıŋ direktory, sondai-aq Tauarlar men körsetıletın qyzmetterdıŋ sapasy men qauıpsızdıgın baqylau komitetı töraǧasynyŋ orynbasary, Sanitariialyq-epidemiologiialyq baqylau komitetınıŋ töraǧasy, Densaulyq saqtau vise-ministrı, QR Bas memlekettık sanitariialyq därıgerı boldy.
2024 jylǧy şılde aiynan bastap QR Densaulyq saqtau ministrlıgınıŋ «Qoǧamdyq densaulyq saqtau ūlttyq ortalyǧy» ŞJQ RMK Basqarma töraǧasy lauazymynda qyzmet atqaryp keldı.
Baspasöz qyzmetı
