«Qūrmettı otandastar!

Barşaŋyzdy Respublika künımen şyn jürekten qūttyqtaimyn!

Qazaqstannyŋ egemendı el ekenın äigıleitın ūlyq meiram — san ǧasyrlyq tarihy bar memlekettılıgımızdıŋ qaita jaŋǧyruynyŋ simvoly.

Ūlttyq mereke halqymyzdy myzǧymas qūndylyqtar töŋıregıne toǧystyryp, jalpyūlttyq bıregeilıgımızdı nyǧaita tüsuge yqpal etedı.

Bız berekelı bırlık pen yrysty yntymaqtyŋ arqasynda asa kürdelı syn-qaterlerdı eŋserıp, auqymdy özgerısterdı jüzege asyryp kelemız. Qoǧamdaǧy zaŋ men tärtıp, azamattardyŋ eŋbekqorlyǧy men käsıbi bılıktılıgı qazırgı reformalardyŋ berık tıregıne ärı qozǧauşy küşıne ainaldy. Bız bolaşaqqa nyq senımmen qarap, Ädılettı Qazaqstandy qūru jolynda naqty qadamdar jasai beremız.

Elımızdıŋ erteŋı qandai bolatyny ärbır otandasymyzǧa bailanysty ekenı anyq. Azamattarymyz osy qasterlı jauapkerşılıktı tereŋ tüsınıp, memlekettıgımızdı nyǧaituǧa öz ülesın qosady dep senemın.

Sızderge zor densaulyq, tolaiym tabys jäne baq-bereke tıleimın!» — delıngen qūttyqtauda.