Qyzylorda oblysy, Syrdariia audanynyŋ «Ruhaniiat» ortalyǧynda «Adal azamat» tūjyrymdamasy aiasynda Qazaqstan Respublikasy Memlekettık qyzmet ısterı agenttıgınıŋ Qyzylorda oblysy boiynşa departamentınıŋ basşysy E. Mendalievtıŋ qatysuymen kezdesu öttı. Is-şaraǧa memlekettık qyzmetşılerı, qala, kent jäne auyldyq okrug äkımderı men qyzmetşılerı, memlekettık ūiymdar men kvazimemlekettık sektor subektılerınıŋ basşylary, qoǧamdyq jäne ükımettık emes ūiymdardyŋ ökılderı qatysty. 

Kezdesu barysynda sybailas jemqorlyqqa qarsy ıs-qimyl salasyndaǧy zaŋnamaǧa engızılgen özgerıster, sybailas jemqorlyqtyŋ aldyn alu jäne memlekettık qyzmetşılerdıŋ ädep normalary men mınez-qūlyq standarttaryn saqtau mäselelerı tüsındırıldı. Sonymen qatar, «Qazaqstan Respublikasynyŋ memlekettık qyzmetı turaly» jaŋa Zaŋnyŋ negızgı erejelerı men jaŋaşyldyqtaryna toqtaldy. 

Sondai-aq, «Adal azamat» jäne «Zaŋ men tärtıp» tūjyrymdamalarynyŋ qoǧamda jauapkerşılık, adaldyq, eŋbekqorlyq, otansüigıştık jäne zaŋǧa qūrmet qūndylyqtaryn qalyptastyrudaǧy rölıne toqtaldy. Būl qaǧidattardy kündelıktı ömırde ūstanudyŋ, qūqyqtyq mädeniettı arttyrudyŋ jäne är azamattyŋ qoǧam aldyndaǧy jauapkerşılıgın sezınudıŋ maŋyzdylyǧy atap ötıldı.

 Is-şara soŋynda qatysuşylar tarapynan sybailas jemqorlyqqa qarsy mädeniettı arttyru, memlekettık qyzmet salasyndaǧy şekteuler men talaptar, sondai-aq jaŋa zaŋǧa qatysty sūraqtar qoiylyp, departament basşysy azamattardy jeke mäselelerı boiynşa qabyldady.