Üş aptadan berı otandyq kinoprokatta köş bastaǧan «QAITADAN» körkem filmı 1 mlrd teŋgeden astam tabys tapqandyǧymen şyǧarmaşylyq ūjymdy şyn jürekten qūttyqtaimyn! 

Būl kino öndırısıne jūmsalǧan memleket qarajatyn bes esege artyǧymen aqtaǧan alǧaşqy joba. 2023 jyly pitching jeŋımpazy atanǧan kinotuyndy – jas rejissior Duman Erkımbektıŋ tolyqmetrajdy debiutı. Osyndai kreativtı, bastamaşyl ärı otanşyl jastardy qoldau bärımızdıŋ ortaq mındetımız.

Filmde otbasy instituty därıptelıp, äleumettık jauapkerşılık pen adamgerşılık qaǧidattary körınıs tabady. Sebebı özıŋdı ǧana emes, ainalaŋdy, tıptı tūtas qoǧamdy qūtqaruǧa ūmtylu – är adamnyŋ mındetı.

Kinonyŋ är dialogy – qoǧamǧa oi tastaidy, är körınısı – körermennıŋ jüregıne jaqyn.

Qazırgı taŋda «QAITADAN» filmı elımızdıŋ barlyq kinoteatrlarynda körsetılude. Barşa körermen qauymdy osy tuyndyny bırge tamaşalap, ūlt ruhyn asqaqtatar otandyq jobamyzdy qoldauǧa şaqyramyn! Arnaiy altyn uaqyttaryŋyzdy bölıp, kinoǧa kelıŋızder. Filmnen jaǧymdy äser alyp, bır tolqynda bolyp, bırge oi tüieiık. Şynaiy eŋbektıŋ baǧasyn berıp, kinogerlerımızge dem bereiık.

Memleket basşysy Ūlttyq qūryltaidyŋ törtınşı otyrysynda kinoǧa qatysty: «Taǧy bır tüitkıl – qazır kinoteatrda körsetıletın filmderge qatysty qoǧamdyq syn bar. Byltyr qazaqstandyq mamandar tüsırgen 94 film şyqqan, iaǧni, negızınen özımızdıŋ önım şyǧarylyp jatyr. Būl – jaqsy ürdıs. Bıraq bız eŋ aldymen sanǧa emes, sapaǧa köŋıl audaruymyz kerek» - degen bolatyn.

Kino ūltty ūiytyp, bolaşaq ūrpaqty tärbieleuı tiıs. Sapaly, sauatty, talǧamy biık kartinalar sany artqan kezde ǧana otandyq kinonyŋ eŋsesı biık bolady.

Sondyqtan ministrlık ūlttyq kinony damytu baǧytyndaǧy jūmystardy jüielı türde jalǧastyra beredı.

Barşaŋyzǧa sättılık tıleimın! , - delıngen jazbada.