Ükımet Aqtöbe qalasynda erekşe balalarǧa arnalǧan arnaiy balabaqşa saluǧa şamamen 7,8 mlrd teŋge bölu turaly şeşım qabyldady. Balabaqşanyŋ aşyluy 300 erekşe balany tärbiemen jäne tüzetu kömegımen qamtamasyz etedı. Mekeme mektep jasyna deiıngı balalarǧa jaily bolu, damytu jäne oqytu üşın barlyq qajettı zattarmen jabdyqtalady. Bügıngı taŋda oblysta erekşe bılım berudı qajet etetın 3 jastan 6 jasqa deiıngı 2523-ten astam bala bar, olardyŋ 1320-y mektepke deiıngı bılımmen qamtylǧan. Qazır oblys boiynşa 4 arnaiy tüzetu balabaqşasy jūmys ısteidı. Jobany ıske asyru qajettı infraqūrylymdy qūruǧa jäne erekşe qajettılıkterı bar balalardy damytu men tärbieleudı qamtudy keŋeituge mümkındık beredı. Būǧan deiın Aqmola oblysynyŋ Zerendı auylynda sport keşenın, Türkıstan oblysynyŋ Temırlan auylynda muzyka mektebın, Arqalyq qalasynda daryndy sportşy balalarǧa arnalǧan sport keşenın, Astanada tırek-qimyl apparaty būzylǧan balalarǧa arnalǧan oŋaltu ortalyǧyn, Almatyda erekşe qajettılıkterı bar adamdarǧa arnalǧan jattyǧu ortalyǧyn salu jönındegı jobalardy qarjylandyru turaly şeşım qabyldanǧan bolatyn.

Jūmys jalǧasuda.