Modernizasiia balalardy oqytu men tärbieleu üşın jaily jaǧdai jasau, materialdyq-tehnikalyq jabdyqtaudy nyǧaitu, oqu prosesınıŋ sapasyn arttyru arqyly qala men auyl mektepterınıŋ arasyndaǧy alşaqtyqty azaituǧa baǧyttalǧan. Būl bastama Memleket basşysynyŋ sailaualdy baǧdarlamasy aiasynda jüzege asyryluda.
«Memleket jyl saiyn mektepterdı modernizasiialauǧa qarajat bölıp keledı. Memleket basşysynyŋ tapsyrmasymen jyl soŋyna deiın şaǧyn qalalarda, audan ortalyqtarynda jäne auyldarda ornalasqan 1000 mekteptı negızgı jetı baǧyt boiynşa modernizasiialau jürgızılude. Onyŋ ışınde mektepterge aǧymdaǧy jäne kürdelı jöndeu jūmystary jürgızılıp, pändık kabinetter satyp alynuda, jihazdary, kıtaphanalar jaŋartyluda, qauıpsızdık jaǧdailary jaqsartyluda», - dep atap öttı İnfraqūrylymdy damytu departamentı direktorynyŋ orynbasary Roza Sembaeva.
Sonymen qatar biylǧy jyldyŋ qyrküiegınen bastap 1,7 mln mektep oquşysy üşın tegın tamaqtandyru ūiymdastyryldy. Sapaly tamaqtandyrudy ūiymdastyru maqsatynda Ministrlık 7 normativtı-qūqyqtyq aktını qaita qarady. Onyŋ ışınde as mäzırın öŋırde şyǧarylatyn otandyq önımdı qosyp, äzırleu jönındegı norma engızıldı. Brakerajdy komissiialar qūrylyp, onyŋ qūramyna ata-analar, qoǧam belsendılerı sondai-aq mektep äkımşılıgı men medisinalyq qyzmetkerler kırdı. Brakerajdy komissiialar üşın monitoringtık toptardyŋ qyzmet tärtıbı turaly normalar zaŋ jüzınde bekıtıldı.
Atap ötu kerek, Densaulyq ministrlıgımen bırlese otyryp, bılım beru ūiymdarynda balalardy tamaqtandyru normalary qaita qaralyp, jaŋa tamaqtandyru standarty äzırlendı. Ol 2025 jyldan bastap jüzege asyryla bastaidy. Degenmen de, äleumettık jelılerde mektep ashanasyndaǧy tamaq äzırleu, onyŋ sapasy turaly syn azaimai tūr. Būl mäsele tek ministrlıktıŋ aralasuymen şeşıletın sūraq emes. Qoǧam bolyp qadaǧalaudy küşeitu arqyly şeşıletın mäsele.
