Şeneunıkter Nauryz merekesı qarsaŋynda ötetın şaralar keşenı üşın 12 kiız üige tapsyrys bermek bolypty. Qūjattaǧy kiız üidıŋ är danasy 7 million teŋge dep körsetılgen. Alaida, olardyŋ terıs nietı būl joly oryndalmady. Äleumettık jelı belsendılerı jazbadaǧy körsetılgen summanyŋ tym köp ekenın jazyp, qoǧamdyq rezonans tudyrǧan. Ärine, sılteme memlekettık satyp alularda taralǧan. Sonda, bas-aiaǧy 12 kiız üidı satyp alu üşın qazynadan 81 mln.teŋge jūmsamaq bolǧan. Tiıstı organ qyzmetkerlerı būl baǧa qoldan jasalǧanyn, kiız üidıŋ negızgı baǧasy ärı ketse, 1,5 - 2 mln.teŋgenıŋ ainalasynda bolatyn anyqtaǧan. 

Aita ketu kerek, maŋyzdy şaralarda äkımdık qyzmetkerlerı aqşa ıstep qaludy ädetke ainaldyrǧan. Negızgı summany bırneşe ese etıp körsetıp, üstındegı qarajatty jymqyru jaǧdailary azaimai tūr. Būl sanatqa forumdar, şaralar, jiyndardy ūiymdastyruǧa ketetın şyǧyndardy eseptegende köz jetıp otyr.