قىتايدىڭ حانچجوۋ قالاسىندا 10–17 شىلدە ارالىعىندا ۆولەيبولدى وتىرىپ ويناۋدان الەم چەمپيوناتى ءوتتى. الەمدىك دوداعا ەرلەر اراسىندا 16 ۇلتتىق قۇراما قاتىستى.
قازاقستان قۇراماسى س توبىندا برازيليا، حورۆاتيا جانە يراك كوماندالارىمەن سىنعا ءتۇسىپ، توپتىق كەزەڭدى ەكىنشى ورىنمەن اياقتاۋ ارقىلى پلەي-وفف كەزەڭىنە جولداما العان بولاتىن.
ناتيجەسىندە 1/8 فينالدا وتانداستارىمىز پولشا قۇراماسىن 3:0 ەسەبىمەن ايقىن جەڭسە، شيرەك فينالدا رۋاندا قۇراماسىن دا 3:0 ەسەبىمەن ۇتتى.
ال جارتىلاي فينالدا قازاقستاندىق كوماندا الەمنىڭ ەڭ مىقتى كوماندالارىنىڭ ءبىرى – يراننان 0:3 ەسەبىمەن جەڭىلدى.
ءۇشىنشى ورىن ءۇشىن وتكەن تارتىستى كەزدەسۋدە قازاقستاندىق سپورتشىلار برازيليا قۇراماسىن 3:2 ەسەبىمەن جەڭىپ، الەم چەمپيوناتىنىڭ قولا جۇلدەسىن يەلەندى.
تۋريزم جانە سپورت مينيسترلىگى