قما استانا قالاسى بويىنشا دەپارتامەنتى «Sirius Energy» قارجى پيراميداسىنىڭ قۇرىلىمدىق بولىمشەسىن باسقارۋ فاكتىسى بويىنشا تەرگەۋ جۇرگىزۋدە.
ۇيىمداستىرۋشى ءوزىن چيليلىك «Sirius Energy» كومپانياسىنىڭ وكىلى رەتىندە تانىستىرىپ، ازاماتتاردى جاڭارتىلاتىن ەنەرگيا كوزدەرى سالاسىنداعى جوعارى تابىس اكەلەتىن جوبالارعا ينۆەستيتسيا سالۋعا ۇگىتتەگەن.
قاراجات تەك USDT كريپتوۆاليۋتاسى ارقىلى قابىلدانىپ، كەيىن قاتىسۋشىلارعا شارتتى بونۋستار كورسەتىلەتىن جەكە كابينەتتەر اشىلعان.
سالىمشىلاردى تارتۋ ماقساتىندا كۇدىكتى الماتى جانە استانا قالالارىندا كەڭسە اشىپ، تۇراقتى تۇردە ترەنينگتەر وتكىزگەن. سونىمەن قاتار Instagram جانە TikTok الەۋمەتتىك جەلىلەرى ارقىلى بەلسەندى جارناما جۇرگىزىپ، زاڭدى قىزمەت اتقارىپ جاتقانداي اسەر قالىپتاستىرۋ ءۇشىن ءۇشىنشى تۇلعانىڭ اتىنا جشس تىركەگەن. الايدا ءىس جۇزىندە ەشقانداي قىزمەت كورسەتىلمەگەن.
ناتيجەسىندە 380 ازامات قارجى پيراميداسىنىڭ قۇربانىنا اينالعان.
جابىرلەنۋشىلەردىڭ ءبىرى ۇيىمداستىرۋشىنىڭ جوعارى تابىس تۋرالى ۋادەسىنە سەنىپ، جوباعا ينۆەستيتسيا سالۋ ءۇشىن 3 ملن تەڭگە كولەمىندە نەسيە راسىمدەگەن.
الايدا ەشقانداي تولەم جاسالماعان، ەندى ول نەسيەنى پايىزىمەن بىرگە ءوز قاراجاتىنان وتەۋگە ءماجبۇر.
سوت سانكتسياسىمەن ۇيىمداستىرۋشىنىڭ بانك شوتتارىنا تىيىم سالىندى.
تەرگەۋ مۇددەسىنە بايلانىستى وزگە اقپارات جاريالانبايدى.
قر قما ءباسپاسوز قىزمەتى