قما شىمكەنت قالاسى بويىنشا دەپارتامەنتى "كاپيتال" اتاۋىمەن ينۆەستيتسيالىق پلاتفورما رەتىندە جاسىرىن ارەكەت ەتكەن قارجى پيراميداسىن ۇيىمداستىرۋ فاكتىسى بويىنشا تەرگەپ-تەكسەرۋ جۇرگىزۋدە.
تەرگەۋ امالدارىنا، كۇدىكتى الەۋمەتتىك جەلىلەر ارقىلى ازاماتتاردان 20 000-نان 500 000 تەڭگەگە دەيىن قاراجات تارتىپ، 3–5 كۇن ىشىندە سالىم سوماسىنىڭ 30–50%-ىنا دەيىن جوعارى تابىس ۋادە ەتكەن.
جاڭا قاتىسۋشىلاردى تارتۋ ءۇشىن پسيحولوگيالىق اسەر ەتۋ تاسىلدەرى قولدانىلعان. اتاپ ايتقاندا، «جىلدام تابىس» تۋرالى ۋادەلەر مەن ۋاقىتپەن شەكتەلگەن ۇسىنىستار ارقىلى ازاماتتار قارجىلىق تاۋەكەلدەردى تولىق باعالاماي، شەشىم قابىلداۋعا يتەرمەلەنگەن.
الايدا ۋادە ەتىلگەن تابىسقا كەپىلدىكتەر تەك اۋىزشا بەرىلىپ، ناقتى كاسىپكەرلىك قىزمەتپەن نەمەسە قانداي دا ءبىر شارتتىق مىندەتتەمەلەرمەن قامتاماسىز ەتىلمەگەن.
شىن مانىندە، سالىمشىلارعا تولەمدەر جاڭا قاتىسۋشىلاردان تۇسكەن قاراجات ەسەبىنەن جۇرگىزىلگەن.
ناتيجەسىندە قارجى پيراميداسىنا 900-دەن استام سالىمشى تارتىلىپ، جالپى سالىنعان قاراجات كولەمى 700 ملن تەڭگەدەن اسقان.
تەرگەپ-تەكسەرۋ جالعاسۋدا.
قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريالاۋعا جاتپايدى.
قارجىلىق مونيتورينگ اگەنتتىگى ازاماتتاردى ساق بولۋعا جانە قىسقا مەرزىمدە جوعارى تابىس ۋادە ەتەتىن كۇماندى جوبالارعا اقشا سالۋدان باس تارتۋعا شاقىرادى. ينۆەستيتسيا جاساماس بۇرىن ۇيىمنىڭ قىزمەتىنىڭ زاڭدىلىعىن جانە ءتيىستى رۇقسات قۇجاتتارىنىڭ بار-جوعىن مۇقيات تەكسەرۋ قاجەت.
قر قما ءباسپاسوز قىزمەتى