كۇدىكتىلەر 2024 جىلدىڭ مامىرىنان باستاپ «Thس Seller» اتاۋىمەن Telegram-ارناسىندا ينتەرنەت-دۇكەن ۇيىمداستىرىپ، ەسىرتكى زاتتارىن ساتقان. تولەمدەر قولما-قول اقشا جانە كريپتوۆاليۋتا ارقىلى قابىلدانعان.
ءتىنتۋ بارىسىندا 30 كەلىدەن استام ماريحۋانا مەن گاشيش، ۇيالى تەلەفوندار جانە 5 بانك كارتاسى تاركىلەندى.
انىقتالعانداي، ينتەرنەت-دۇكەننىڭ 2 مىڭنان استام تۇتىنۋشىسى بولعان، جانە 100 ميلليون تەڭگەدەن استام سوماعا 5 مىڭنان استام ەسىرتكى ساۋداسى جۇرگىزىلگەن.
قىلمىستىق جولمەن كەلگەن تابىستى جاسىرۋ ماقساتىندا كۇدىكتىلەر Telegram مەسسەندجەرى ارقىلى دروپتاردى – ياعني جالعان تۇلعالاردى – تارتقان. بۇل تۇلعالار اتىنا بانك كارتالارى راسىمدەلىپ، سول كارتالار ارقىلى ءىرى كولەمدەگى اقشالاي قاراجات قولما-قول اقشاعا اينالدىرىلعان.
ەسىرتكى تاسىمالى ءۇشىن كۇدىكتىلەر قىلمىستىق تابىستىڭ ەسەبىنەن 2 اۆتوكولىك پەن موتوتسيكل ساتىپ الىپ، ولاردى سەنىمدى ادامداردىڭ اتىنا تىركەگەن.
سوت سانكتسياسىمەن بۇل كولىك قۇرالدارىنا تىيىم سالىندى.
كۇدىكتىلەر ەكى اي مەرزىمگە قاماۋعا الىندى.
تەرگەۋ جالعاسۋدا.
ەگەر سىزگە ەكونوميكالىق قۇقىق بۇزۋشىلىق جاساۋ فاكتىلەرى بەلگىلى بولسا، بۇل تۋرالى "افم Insider" تەلەگرام بوتىنا حابارلاۋىڭىزدى سۇرايمىز.
انونيمدىلىككە كەپىلدىك بەرىلەدى.
قارجىلىق مونيتورينگ اگەنتتىگى