اكتسياعا ەلدىڭ تۇكپىر-تۇكپىرىنەن ەرىكتىلەر توپتارى مەن ۇيىمدارى بەلسەندى تۇردە قوسىلدى. الماتىدا جەرگىلىكتى كاسىپكەرلەر مەن قولونەر شەبەرلەرى ءوز ونىمدەرىن ۇسىنعان قايىرىمدىلىق جارمەڭكەسى ءوتتى. جارمەڭكەدەن تۇسكەن بارلىق قاراجات بالالار ۇيلەرىنە كومەككە جۇمسالدى.
«Jaiyk Jastary» (ورال) ەرىكتىلەرى كوممۋنالدىق سالا قىزمەتكەرلەرىنە ىستىق شاي مەن تاماق تاراتىپ، جاياۋ جۇرگىنشىلەر جولىن قاردان تازالاۋعا كومەكتەستى. استانا مەن شىمكەنت جاستارى قارتتار ۇيىندە ارنايى كونتسەرتتىك باعدارلاما ۇيىمداستىردى.
فلەشموبتى «Jastar Oskemen» (شىعىس قازاقستان وبلىسى), «Zheltorangy_zhastary» (الماتى وبلىسى) جانە «Biz_birgemiz_dulaty» (تاراز) ەرىكتىلەر ۇيىمدارى دا قولدادى.
ايتا كەتەيىك، فلەشموبقا قاتىسۋ ءۇشىن يگى ءىس جاساۋ ءساتىن فوتو نەمەسە ۆيدەوعا ءتۇسىرىپ، #يگىىستىبولىس جانە #پودەليسدوبروم حەشتەگتەرىمەن الەۋمەتتىك جەلىلەردە ءبولىسۋ جەتكىلىكتى.