ساپار الدىندا بالالاردىڭ اتا-انالارى ولاردىڭ جارىسقا قاتىسۋىنا جانە جول جۇرۋىنە كەلىسىم بەرىپ، بۇل كەلىسىم WhatsApp مەسسەندجەرىندەگى ورتاق چات ارقىلى راستالعان.
الايدا، بالالاردى تاسىمالداعان جەكەمەنشىك فۋتبول مەكتەبىنىڭ وكىلدەرى بۇل تۋرالى جەرگىلىكتى اكىمدىك پەن قۇقىق قورعاۋ ورگاندارىنا الدىن الا حابارلاماعان.
ايتا كەتەيىك، بۇعان دەيىن بالالاردىڭ قۇقىقتارىن قورعاۋ كوميتەتى بارلىق جەرگىلىكتى اتقارۋشى ورگاندارعا بالالاردى تاسىمالداۋدى ۇيىمداستىرۋ ءتارتىبى جونىندە ارنايى نۇسقاۋلىقتار (الگوريتم تۇرىندە) جولداعان بولاتىن. اتالعان قۇجاتتاردا ەرىپ ءجۇرۋشى تۇلعالاردىڭ جاۋاپكەرشىلىگى، كولىك قۇرالدارىنىڭ تەحنيكالىق جاي-كۇيى، قاجەتتى قۇجاتتاردىڭ بولۋى جانە تاسىمالداۋ ءتارتىبى ناقتى كورسەتىلگەن.
قازىرگى ۋاقىتتا 16 بالانىڭ 15-ءى ۇيلەرىنە ورالدى. ءبىر بالا بۇگىن سانيتارلىق اۆياتسيا ارقىلى پاۆلودار قالاسىنداعى وبلىستىق بالالار اۋرۋحاناسىنا جەتكىزىلىپ، تۇرعىلىقتى جەرى بويىنشا ەم قابىلداۋدى جالعاستىرادى. پاۆلودار وبلىسىنىڭ بالا قۇقىقتارى جونىندەگى ۋاكىلى زارداپ شەككەن بالانىڭ اناسىمەن تۇراقتى بايلانىستا.
مينيسترلىكتىڭ ءباسپاسوز قىزمەتى