باس پروكۋراتۋرا مەن ىشكى ىستەر مينيسترلىگىنىڭ ينتەرپول ۇلتتىق ورتالىق بيۋروسىنىڭ قىزمەتكەرلەرى، قازاقستاننىڭ گرۋزياداعى ەلشىلىگىنىڭ قولداۋىمەن اتالعان ەلدەن پارا بەرگەنى ءۇشىن قىلمىستىق جاۋاپتىلىققا تارتۋعا قازاقستان ازاماتىن ەكستراديتسيالادى.
تەرگەۋ بارىسىندا اتالعان ادام جەكە كاسىپكەر بولىپ، پوليتسيا قىزمەتكەرىنە قىلمىستىق جاۋاپتىلىقتان جالتارۋ جانە ونىڭ ماسساج سالونىنىڭ ودان ءارى كەدەرگىسىز جۇمىس ىستەۋىن قامتاماسىز ەتۋ ماقساتىندا اقشالاي سىياقى بەرگەنى انىقتالدى.
قىلمىس جاساعاننان كەيىن كۇدىكتى جاسىرىنىپ، وعان حالىقارالىق ىزدەۋ جاريالانعان.
2026 جىلعى ناۋرىزدا ول رۋستاۆي قالاسىندا ۇستالىپ، قازاقستان باس پروكۋراتۋراسىنىڭ سۇراۋىمەن ەلگە ەكستراديتسيالاندى.
قازىرگى ۋاقىتتا كۇدىكتى تەرگەۋ يزولياتورىنا قامالدى.
ايىپ تاعىلعان قىلمىستار ءۇشىن مۇلكى تاركىلەنىپ، 7 جىلعا دەيىن باس بوستاندىعىنان ايىرۋ جازاسى كوزدەلگەن.
باس پروكۋراتۋرانىڭ ءباسپاسوز قىزمەتى