اۆيابازا كومانديرى دميتري باستەر قوناقتارعا قۇقىقتىق ءتارتىپ اسكەرلەرىنىڭ اۆياتسيالىق قىزمەتىن دامىتۋدىڭ جاي-كۇيى مەن پەرسپەكتيۆالارى تۋرالى ەگجەي-تەگجەيلى ايتىپ بەردى.
- اۆياتسيالىق بازانى ودان ءارى دامىتۋ مەملەكەتتىڭ قاۋىپسىزدىگىن قامتاماسىز ەتۋدە ماڭىزدى ءرول اتقارادى. ءبىز ءوزارا ءىس-قيمىل جاسايتىن ورگاندارعا جان-جاقتى تەحنيكالىق قولداۋ كورسەتەمىز، - دەپ اتاپ ءوتتى ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى اڭساعان بالتابەكوۆ
اۆيابازا كومانديرى دميتري باستەر قوناقتارعا قۇقىقتىق ءتارتىپ اسكەرلەرىنىڭ اۆياتسيالىق قىزمەتىن دامىتۋدىڭ جاي-كۇيى مەن پەرسپەكتيۆالارى تۋرالى ەگجەي-تەگجەيلى ايتىپ بەردى.
دەپۋتاتتارعا جاراقات العان 30 ادامدى ءبىر مەزەتتە سانيتارلىق جاعدايدا تاسىمالداۋعا ارنالعان Y8F200WA ۇشاعى كورسەتىلدى.
بۇدان بولەك، ماجىلىسمەندەر نازارىنا مي-171ە تىكۇشاعى ۇسىنىلدى.
تىكۇشاق سانيتارلىق ماقساتتا دا پايدالانىلادى، ال ونىڭ ەكيپاجى تۇنگى ۋاقىتتا جانە كۇردەلى اۋا رايى جاعدايلارىندا ۇشۋعا ءازىر.
حالىق قالاۋلىلارى ءۇشىن اسكەري ءبولىمنىڭ داڭق مۇراجايىندا ەكسكۋرسيا وتكىزىلدى. سونداي-اق ولار تاماقتاندىرۋدى ۇيىمداستىرۋ شارتتارىمەن، ينجەنەرلىك-تەحنيكالىق جانە ۇشقىشتار قۇرامىنىڭ ۇلەس نورمالارىمەن تانىستى.
كەزدەسۋ بارىسىندا قىزمەتتىك-جاۋىنگەرلىك مىندەتتەردى ورىنداۋعا ەلەۋلى اسەر ەتەتىن بىرقاتار ماسەلە قوزعالدى.
دەپۋتات ايگۇل قۇسپان ۇلتتىق ۇلاننىڭ اسكەري قىزمەتشىلەرى ەلدەگى قۇقىقتىق ءتارتىپ پەن قوعامدىق قاۋىپسىزدىكتى ساقتاۋعا كۇندەلىكتى ۇلەس قوساتىنىن اتاپ ءوتتى.
سونداي-اق، ول ايتىلعان ماسەلەلەر تومەنگى پالاتانىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ نازارىندا بولاتىنىن جانە ولاردى شەشۋ ءۇشىن بار كۇش-جىگەرىن جۇمسايتىنىن تىلگە تيەك ەتتى.
ايتا كەتەيىك، ۇلتتىق ۇلاننىڭ ۇشقىشتارى حالىقارالىق وقۋ-جاتتىعۋلار مەن ۇيىمداسقان قىلمىسقا جانە ەسىرتكى بيزنەسىنە قارسى كۇرەس جونىندەگى ارنايى وپەراتسيالاردى جۇرگىزۋدە، سيريا، تۇركيا جانە اۋعانستانعا گۋمانيتارلىق كومەك جەتكىزۋ جونىندەگى حالىقارالىق ميسسيالاردى جۇزەگە اسىرۋ كەزىندە وزدەرىن جاقسى قىرىنان كورسەتە ءبىلدى.
انىقتاما ءۇشىن: قۇقىقتىق ءتارتىپ اسكەرلەرىنىڭ اۆياتسياسى قر ىشكى ىستەر مينيسترلىگىنىڭ كۇشتىك قۇرامداس بولىگى بولىپ سانالادى. ۇلتتىق ۇلان اۆيابازاسى قر قارۋلى كۇشتەرىنىڭ اۆياتسيالىق قۇرامالارى مەن بولىمدەرىن جانە قر ۇقك شەكارا قىزمەتىن بىرىكتىرەتىن قازاقستاننىڭ مەملەكەتتىك اۆياتسياسىنىڭ قۇرامىنا كىرەدى.
ىشكى ىستەر مينيسترلىگىنىڭ ءباسپاسوز قىزمەتى