2025 جىلدىڭ ءوتىپ كەتكەن كەزەڭىندە 62 ەسىرتكى جانە پسيحوتروپتىق زاتتاردىڭ جەتكىزۋ ارناسى توقتاتىلىپ، 10 ەسىرتكى زەرتحاناسى جويىلدى، زاڭسىز اينالىمنان 3,5 توننادان استام ەسىرتكى زاتتارى تاركىلەندى.
ماڭعىستاۋ وبلىسى، الماتى قالاسى، شىمكەنت قالاسى جانە ۇلىتاۋ وبلىسى قىزمەتكەرلەرىنىڭ ءتيىمدى جۇمىسى ەرەكشە اتالىپ ءوتتى.
اتالعان مىسالدار كۇشتىك قۇرىلىمداردىڭ قىزمەتكەرلەرىنىڭ قاعيداتتى جانە پرواكتيۆتى ۇستانىمىن كورسەتەدى.
اتقارىلعان جۇمىستار ءۇشىن 5 مامىر كۇنى مەملەكەت باسشىسىنىڭ جارلىعىمەن ءىىم ورتالىق اپپاراتىنىڭ ءبىر قىزمەتكەرى جانە وبلىستىق پروكۋراتۋرالاردىڭ ەكى باسقارما باسشىسى (ماڭعىستاۋ جانە ۇلىتاۋ وبلىستارى) باۋىرجان مومىشۇلى اتىنداعى ءىى دارەجەلى «ايبىن» وردەنىمەن، پوليتسيا دەپارتامەنتتەرىنىڭ (الماتى جانە قاراعاندى وبلىستارى) ەكى قىزمەتكەرى – «جاۋىنگەرلىك ەرلىگى ءۇشىن» مەدالىمەن ماراپاتتالدى.
سونىمەن قاتار، بىرقاتار كۇش قۇرىلىمدارى قىزمەتكەرلەرى (پروكۋراتۋرا ورگاندارىنان 12 قىزمەتكەر، ۇلتتىق قاۋىپسىزدىك ورگاندارىنان 4 قىزمەتكەر، ەكونوميكالىق تەرگەپ-تەكسەرۋ ورگاندارىنان 4 قىزمەتكەر جانە ىشكى ىستەر ورگاندارىنان 5 قىزمەتكەر) ۆەدومستۆولىق ناگرادالارعا يە بولدى.
ەسىرتكى بيزنەسىمەن كۇرەس جۇمىسى جالعاسۋدا جانە قۇزىرەتتى ورگانداردىڭ تۇراقتى باقىلاۋىندا.
باس پروكۋراتۋرانىڭ ءباسپاسوز قىزمەتى