استاناداعى «جەتىسۋ» ساياباعىندا قالالىق «وتباسى time» وتباسىلىق فەستيۆالى اياسىندا Jas Band ۇجىمىنىڭ جاندى مۋزىكا مەن كاۆەر اندەر كەشى ءوتتى.
كەش بارىسىندا ساياباقتا جاندى اسپاپتىق مۋزىكا اۋەلەپ، جاستار توپتارى مەن كاۆەر ورىنداۋشىلار ونەر كورسەتتى.
باعدارلامانىڭ باستى قوناعى تانىمال KOSMUSE توبى بولدى. ۇجىم كورەرمەندەرگە ايگىلى اندەردىڭ جاندى داۋىستاعى كاۆەر-نۇسقالارىن ۇسىندى.
مەرەكە قوناقتارى ءۇشىن كورەرمەندەرمەن ينتەراكتيۆتەر، مۋزىكالىق ۆيكتورينالار، سىيلىقتار ۇتىسقا تىگىلگەن ويىندار جانە شىعارماشىلىق ۇجىمداردىڭ كونتسەرتتىك باعدارلاماسى ۇيىمداستىرىلدى.
«وتباسى time» – شىعارماشىلىقتى، مۋزىكانى جانە زاماناۋي تسيفرلىق ترەندتەردى توعىستىرعان قالالىق وتباسىلىق فەستيۆال. ءار دەمالىس سايىن ونىڭ باعدارلاماسى جاڭارتىلىپ، ەلوردا تۇرعىندارىنا قىزىقتى ءارى بەلسەندى دەمالىستىڭ جاڭا مۇمكىندىكتەرى ۇسىنىلادى.
«تۇرعىندارعا مۇنداي فورمات ۇناپ جاتقانىن بايقاپ وتىرمىز. باستاپقىدا جوبانى تەك شىلدە ايىنىڭ دەمالىس كۇندەرىنە جوسپارلاعان ەدىك. الايدا قالا تۇرعىندارىنىڭ وڭ پىكىرلەرىنەن كەيىن ونى جازدىڭ سوڭىنا دەيىن جالعاستىرۋ تۋرالى شەشىم قابىلداندى. ءار اپتا سايىن كەلۋشىلەرگە قىزىقتى بولۋى ءۇشىن تاقىرىپتى وزگەرتىپ وتىرۋعا تىرىسامىز»، – دەدى جوبا ۇيىمداستىرۋشىسى، استانا قالاسى مادەنيەت باسقارماسىنىڭ وكىلى مۇسا اۋباكىروۆ.
مۋزىكالىق باعدارلامادان بولەك، فەستيۆال اۋماعىندا بىرنەشە تاقىرىپتىق ايماق جۇمىس ىستەدى. Cyber Zone الاڭىندا كيبەرسپورتتىق بەلسەندىلىكتەر مەن Counter-Strike 2 ءتۋرنيرى ۇيىمداستىرىلدى. Craft Games Zone ايماعىندا كەلۋشىلەر ۇستەل جانە شىعارماشىلىق ويىندارعا قاتىستى. دەمالۋعا ارنالعان Chill Zone, سونداي-اق ەرەكشە سۋرەتكە تۇسۋگە مۇمكىندىك بەرەتىن Photo Zone بار.
فەستيۆالدە ەكولوگيالىق باعىتقا دا ەرەكشە كوڭىل ءبولىندى. Eco Zone الاڭىندا ءتۇرلى ينتەراكتيۆتى ءىس-شارالار مەن ەكولوگيالىق باستامالار ۇيىمداستىرىلىپ، كەلۋشىلەرگە قورشاعان ورتاعا ۇقىپتى قاراۋدىڭ جانە قالدىقتاردى بولەك جيناۋدىڭ ماڭىزى ءتۇسىندىرىلدى.
ويىندار مەن ەكولوگيالىق بەلسەندىلىكتەرگە قاتىسقان قوناقتار ارنايى كويندار الىپ، ولاردى Prize Counter بولىمىندە سىيلىقتارعا ايىرباستادى.
فەستيۆالدىڭ تاعى ءبىر ەرەكشەلىگى – اشىق «تالانتتار ساحناسى» بولدى. ۇيىمداستىرۋشىلارمەن كەلىسىم بويىنشا كەز كەلگەن ادام ساحناعا شىعىپ، ءان ايتىپ، بي بيلەپ، ولەڭ وقىپ نەمەسە ءوز ونەرىن كورسەتە الدى.
بۇل فورمات ساياباقتىڭ تۇراقتى كەلۋشىلەرىنىڭ قىزىعۋشىلىعىن ارتتىرىپ وتىر. راۋشان 12 جاستاعى قىزى مەرۋەرتپەن بىرگە «وتباسى time» فەستيۆالىنە العاش رەت كەلگەن. وتباسى بۇل ساياباققا ءجيى كەلەتىنىن ايتادى.
«ءىس-شارا بىزگە وتە ۇنادى. مۇندا بۇكىل وتباسى بولىپ ءتۇرلى ويىندار مەن ۆيكتورينالارعا قاتىسۋعا بولادى، انيماتورلار بالالاردى قىزىقتىرادى، كونتسەرت باستالعاندا ەرەكشە اتموسفەرا قالىپتاسادى. كەلەسى اپتادا تاعى جاڭا باعدارلاما بولاتىنىن كوردىك، مىندەتتى تۇردە تاعى كەلەمىز. مەنىڭ ءۇش قىزىم بار. ەندى وسىندا وتباسىمىزبەن ءجيى كەلەتىن شىعارمىز»، – دەدى راۋشان.
قالالىق «وتباسى time» فەستيۆالى جازدىڭ سوڭىنا دەيىن جالعاسادى.