الماتىداعى ورتالىق مەملەكەتتىك كينو-فوتوقۇجاتتار مەن دىبىس جازبالارى ارحيۆىندە كاسىبي قازاق تەاتر ونەرىنىڭ نەگىزىن قالاۋشىلاردىڭ ءبىرى، كورنەكتى اكتەر سەرالى قوجامقۇلوۆتىڭ 130 جىلدىق مەرەيتويىنا ارنالعان ءىس-شارا ءوتتى.
جيىنعا زيالى قاۋىم وكىلدەرى، ارحيۆ جانە تەاتر سالاسىنىڭ ماماندارى، ونەر يەسىنىڭ تۋىستارى، سونداي-اق ونىڭ ءىزباسارلارى مەن ارىپتەستەرى قاتىستى.
ءىس-شارا بارىسىندا اكتەردىڭ ارحيۆتىك فوتوسۋرەتتەرى قويىلعان كورمە كوپشىلىككە تانىستىرىلدى.
سونداي-اق، جيىندا 1972 جىلى «قازاقفيلم» كينوستۋدياسى تۇسىرگەن «سەراعا» دەرەكتى ءفيلمى كورسەتىلدى. فيلمدە اكتەردىڭ ءوز داۋىسىمەن ايتقان ەستەلىكتەرى، وي-تولعامدارى، 1929 جىلى قىزىلوردادا العاشقى قازاق تەاترىنىڭ اشىلۋى جانە «ەڭلىك-كەبەك» سپەكتاكلىندەگى تۇڭعىش ءرول سومداعان ءساتى قامتىلعان.
ايتا كەتەيىك، ورتالىق مەملەكەتتىك كينو-فوتوقۇجاتتار مەن دىبىس جازبالارى ءارحيۆىنىڭ قورىندا سەرالى قوجامقۇلوۆتىڭ ءومىرى مەن شىعارماشىلىعىنا قاتىستى 100-گە جۋىق كينو، فوتو جانە اۋديو قۇجات ساقتالعان.
قر مادەنيەت جانە اقپارات مينيسترلىگىنىڭ ءباسپاسوز قىزمەتى