الاكول كولىندە دەمالىپ جاتقان كانادالىق وتباسى جەرگىلىكتى زاڭ مەن دەمالىس ءتارتىبى تۋرالى تولىق اقپارات الۋ ءۇشىن تۋريستىك پوليتسيانىڭ كومەگىنە جۇگىندى. اعىلشىن تىلىندە ەركىن سويلەيتىن پوليتسيا قىزمەتكەرى ولارعا جان-جاقتى اقپارات بەرىپ، الاكول ايماعىنىڭ تۋريستىك كارتاسى مەن قاجەتتى مالىمەتتەرى قامتىلعان جادىنامانى تابىستادى. پوليتسيا وكىلى قوناقتارعا قاۋىپسىز دەمالىس ءۇشىن ساقتالۋى ءتيىس نەگىزگى ەرەجەلەر مەن توتەنشە جاعدايلاردا قايدا جۇگىنۋ كەرەكتىگى جايىندا كەڭەس بەردى. كانادالىق وتباسى قازاقستاندىق قوناقجايلىلىق پەن قىزمەت كورسەتۋدىڭ ساپاسىنا ريزا بولىپ، پوليتسيا قىزمەتكەرىنە شىنايى العىسىن ءبىلدىردى. ولار الاكولدىڭ كوركەم تابيعاتىنا ءتانتى بولىپ، بۇل ساپاردان كەرەمەت اسەر العاندارىن اتاپ ءوتتى. تۋريستىك پوليتسيا قىزمەتكەرلەرىنىڭ باستى مىندەتى – وڭىرگە كەلگەن شەتەلدىك جانە وتاندىق قوناقتاردىڭ قاۋىپسىزدىگىن قامتاماسىز ەتىپ، ولارعا اقپاراتتىق قولداۋ كورسەتۋ. بۇل وقيعا – الاكولدە تۋريستەرگە دەگەن قامقورلىقتىڭ ناقتى كورىنىسى.
اقپارات كوزى Polisia.kz سايتىندا: https://polisia.kz/alakolde-turistik-politsiya-kanadalyq-otbasygha-aqparattyq-komek-korsetti/