تەرگەۋ بارىسىندا «Club GG Poker» ءموبيلدى پلاتفورماسى نەگىزىندە قۇرىلعان «Nomad Poker» ونلاين-كازينوسىنىڭ قىزمەتىن قازاقستان ازاماتتارى گرۋزيا اۋماعىنان جۇرگىزىپ وتىرعانى انىقتالدى.
مۇنداي سحەما ۇيىمداستىرۋشىلاردىڭ جەكە باسىن جاسىرۋعا، اقشا اعىندارىن باقىلاۋدى قيىنداتۋعا جانە زاڭسىز قىزمەتتى جۇرگىزۋ ءۇشىن شەتەل ازاماتتارىنىڭ اتىنا راسىمدەلگەن بانك شوتتارى مەن بايلانىس قۇرالدارىن پايدالانۋعا مۇمكىندىك بەرگەن.
زاڭسىز ويىن پلاتفورماسى تاۋلىك بويى جۇمىس ىستەپ، قاتىسۋشىلارعا ونلاين-پوكەر فورماتىندا اقشا تىگىپ، ۇتىستى قولما-قول اقشاعا اينالدىرۋ مۇمكىندىگىن ۇسىنعان.
جاڭا قاتىسۋشىلاردى تارتۋ ماقساتىندا ۇيىمداستىرۋشىلار الەۋمەتتىك جەلىلەردى، مەسسەندجەرلەردى جانە جارناما قۇرالدارىن پايدالانعان.
⚠️ ناتيجەسىندە ونلاين-كازينو قىزمەتىنە 20 مىڭنان استام پايدالانۋشى تارتىلعان.
سونىمەن قاتار ۇيىمداستىرۋشىلار ءۇشىنشى تۇلعالاردىڭ بانك شوتتارىن، ياعني «دروپپەرلەردىڭ» شوتتارىن پايدالانۋدىڭ تارماقتالعان جۇيەسىن قۇرعان.
وسى ماقساتتا كۇدىكتىلەر قازاقستانعا شەتەل ازاماتتارىنىڭ ۇيىمداسقان تۇردە كەلۋىن قامتاماسىز ەتىپ، ولاردىڭ اتىنا 400 اقش دوللارىنا دەيىنگى سىياقى ءۇشىن بانك كارتالارى مەن ءموبيلدى بانكينگ راسىمدەگەن.
تەرگەۋ بارىسىندا ونلاين-كازينو قىزمەتىن قامتاماسىز ەتۋ ءۇشىن 60-تان استام دروپ-شوت پايدالانىلعانى انىقتالدى. ويىنشىلاردان تۇسكەن قاراجات كولەمى 7,5 ملرد تەڭگەدەن استى.
👨⚖️ سوت سانكتسياسىمەن الماتى قالاسىنداعى پاتەرگە، ءۇش اۆتوكولىككە، سونداي-اق دروپپەرلەردىڭ بانك شوتتارىنداعى 158 ملن تەڭگە كولەمىندەگى اقشا قاراجاتىنا تىيىم سالىندى.
تەرگەۋ جالعاسۋدا.