الاياقتار تەلەفون ارقىلى ازاماتاردىڭ اقشاسىن بوگدە بىرەۋ ۇرلاۋعا تىرىسىپ جاتقانى جايلى ايتىپ، ولاردىڭ شوتتارىنداعى قاراجاتتى ساقتاۋ ءۇشىن جالعان قىزمەتكەرلەردىڭ نۇسقاۋلارىن ورىنداۋدى سۇرايدى. وزدەرىنىڭ قىزمەتكەر ەكەنىن راستاۋ ماقساتىندا، الاياقتار جالعان كۋالىكتەر جانە قما لوگوتيپتەرى بار وزگە دە قۇجاتتاردىڭ فوتوسۋرەتتەرىن جىبەرەدى.
ولاردىڭ ىقپالىنا تۇسكەن ازاماتتار ءوز جيناقتارىن زيانكەستەردىڭ شوتتارىنا اۋدارادى.
سونىمەن قاتار، قارجىلىق مونيتورينگى اگەنتتىگىنىڭ اتىنان الەۋمەتتىك جەلىلەردە جالعان پاراقشالاردى اشۋ فاكتىلەرى دە جيىلەپ كەتكەن.
بەلگىسىز تۇلعالار ازاماتتارعا الاياقتىق جوبالارعا سالىنعان قاراجاتتارىن تەز قايتارۋدى ۇسىنادى.
پاراقشادا جەكە دەرەكتەرىڭىزدى، تەلەفون ءنومىرىن، سونداي-اق جوعالعان قاراجات سوماسىن ەنگىزۋ ۇسىنىلادى.
سودان كەيىن ءار ءتۇرلى نومىرلەردەن، ونىڭ ىشىندە شەتەلدىك نومىرلەردەن دە اگەنتتەر سىزگە قوڭىراۋ شالىپ، وزدەرىن قما قىزمەتكەرلەرى رەتىندە تانىستىرادى جانە بانكتىك شوتىڭىز بويىنشا مالىمەتتەردى الۋعا تىرىسادى.
قارجىلىق مونيتورينگى اگەنتتىگى جەكە تۇلعالارعا تەلەفون بايلانىسى ارقىلى دا، مەسسەندجەرلەر ارقىلى دا قوڭىراۋ شالمايدى.
ازاماتتاردان قىراعى بولۋعا، اقپاراتتى رەسمي دەرەككوزدەرمەن سالىستىرۋعا جانە الاياقتاردىڭ ايلا-امالدارىنا الدانباۋىن سۇرايمىز.
فوتو اشىق دەرەككوزدەردەن الىندى