Bügın oblys kölemınde Memleket basşysynyŋ bastamasymen jüzege asyrylyp jatqan «Taza Qazaqstan» respublikalyq ekologiialyq baǧdarlamasy aiasynda jalpyhalyqtyq senbılık ūiymdastyryldy. Qorşaǧan ortanyŋ tazalyǧyn saqtau, eldı mekenderdıŋ sanitarlyq jaǧdaiyn jaqsartu, sondai-aq tūrǧyndar arasynda ekologiialyq mädeniet pen jauapkerşılıktı qalyptastyrudy maqsat etken igı şaraǧa öŋır jūrtşylyǧy belsendı qatysty.
Tazalyq aksiialaryna qala jäne audan tūrǧyndary, memlekettık mekeme qyzmetkerlerı, eŋbek ūjymdary, jastar jäne erıktıler at salysty. Senbılık barysynda köşeler, aulalar, saiabaqtar men qoǧamdyq oryndar tazartylyp, aumaqtardy abattandyru jūmystary jürgızıldı. Sondai-aq tūrmystyq qaldyqtar jinalyp, qorşaǧan ortanyŋ sanitarlyq jaǧdaiyn jaqsartuǧa baǧyttalǧan jūmystar atqaryldy.
Tazalyq şarasy – tek ainalany kül-qoqystan aryltu ǧana emes, qoǧamnyŋ ekologiialyq jauapkerşılıgın arttyryp, tabiǧatqa degen janaşyrlyqty qalyptastyrudyŋ maŋyzdy tetıgı. Öitkenı tuǧan jerdıŋ körkeiuı men qorşaǧan ortanyŋ taza boluy – barşaǧa ortaq mındet.
Aita ketu kerek, «Taza Qazaqstan» ekologiialyq baǧdarlamasy aiasynda oblystyŋ barlyq eldı mekenderınde sanitarlyq tazartu, abbattandyru jäne körkeitu-kögaldandyru jūmystary jürgızılude.
Jyl basynan berı tazalyq şaralaryna barlyǧy 450 499 oblys tūrǧyndary, ardagerler, erıktıler jäne memlekettık mekeme qyzmetkerlerı qatysty.
Nätijesınde 12 508 tonna qoqys qaldyqtary şyǧarylyp, eldı mekenderdegı 510 skverler men parkter, 256 tarihi-mädeni eskertkışter, 1019 äleumettık nysandar, 3002 önerkäsıp jäne biznes nysandary, 332 su obektılerı men 33488 köşelerdıŋ boiy tazartyldy. Oǧan 548 tehnika jūmyldyryldy.
Tazalyq pen tärtıp – qorşaǧan ortaǧa degen jauapkerşılıktıŋ, qoǧamnyŋ mädenietı men ortaq ıske degen janaşyrlyǧynyŋ körınısı. Tuǧan ölkenıŋ körkeiuı tek bır rettık nauqanmen şektelmei, ärbır azamattyŋ kündelıktı ömır saltyna ainaluy maŋyzdy.
«Taza Qazaqstan» baǧdarlamasy aiasyndaǧy jūmystar aldaǧy uaqytta da jalǧasyp, öŋırdıŋ ekologiialyq ahualyn jaqsartu, eldı mekenderdıŋ tazalyǧy men körkın arttyru baǧytynda jüielı şaralar qabyldanatyn bolady.