Almaty qalasyndaǧy Äbılhan Qasteev atyndaǧy Qazaqstan Respublikasynyŋ Memlekettık öner muzeiınde qazaq beineleu önerınıŋ körnektı ökılı, jerlesımız, Qazaqstannyŋ eŋbek sıŋırgen qairatkerı, Memlekettık syilyqtyŋ laureaty Aǧymsaly Düzelhanovtyŋ 75 jyldyǧyna arnalǧan taǧylymdy körme öttı.
1951 jyly Qazaly qalasynda düniege kelgen Aǧymsaly Düzelhanov ūlttyq beineleu önerınıŋ damuyna ölşeusız üles qosyp, qazaq ruhaniiatynda özındık qoltaŋbasyn qaldyrǧan bıregei suretşı boldy. Keskındeme, grafika jäne kıtap illiustrasiiasy salalarynda jemıstı eŋbek etıp, tarihi-folklorlyq taqyryptaǧy şyǧarmalary arqyly ūlttyq önerdıŋ örısın keŋeittı. Sondai-aq talai jyl ūstazdyq etıp, jas buynǧa önerdıŋ qyr-syryn üiretıp, käsıbi jol sıltedı.
Suretşınıŋ 75 jyldyǧyna arnalǧan körmege audan äkımı Almasbek Esmahanov arnaiy qatysyp, söz söiledı. Körme barysynda Qyzylorda oblysynyŋ äkımı Ergeşbaev Mūrat Nälqojaūlynyŋ Aǧymsaly Düzelhanovtyŋ otbasy men önersüier qauymǧa arnalǧan arnaiy Qūttyqtau hatyn jetkızdı.
Sondai-aq audan äkımı Äbılhan Qasteev atyndaǧy öner muzeiıne estelık syilyq tabystady.
Taǧylymdy şaraǧa Qazaqstannyŋ memleket jäne qoǧam qairatkerı Quanyş Sūltanov, jazuşy Beksūltan Nūrjekeev, Äşırbek Köpışev, ziialy qauym ökılderı, öner salasynyŋ mamandary men student jastar qatysty.
Körmede jerlesımızdıŋ şyǧarmaşylyq mūrasy keŋınen tanystyrylyp, suretşınıŋ ūlttyq önerdegı airyqşa ornyna män berıldı.
Şara barysynda qazalylyqtar atynan belgılı jurnalist-jazuşy, Aqparattanu akademiiasynyŋ akademigı Ermek Zäŋgırov bastaǧan jerlester Aǧymsaly Düzelhanovtyŋ jary, qazaqtyŋ tūŋǧyş käsıbi suretşısı Äbılhan Qasteevtıŋ qyzy Güldariia Qasteevaǧa zamanaui ülgıdegı şapan jauyp, qazaqy dästürmen qūrmet körsettı. Al Qazaly audanynyŋ Qūrmettı azamaty, jazuşy Moldahmet Qanazov suretşınıŋ jūbaiyna kamzol kigızıp, aq jaulyq tartu ettı.
Keş soŋynda önr şeberlerınıŋ konsertı ūiymdastyrylyp, körermender suretşınıŋ şyǧarmalarynan syr şertetın körmenı tamaşalady.
Aǧymsaly Düzelhanovtyŋ ǧibratty ǧūmyry men mol şyǧarmaşylyq mūrasy – qazaq önerınıŋ altyn qorynda mäŋgı saqtalatyn qūndy qazyna. Jerlesımızdıŋ esımın ūlyqtap, önegelı jolyn keiıngı ūrpaqqa nasihattau – eldık paryz.