Bügın Qyzylorda qalasynda Memleket basşysynyŋ Qazaqstan halqyna Joldauynda aiqyndalǧan basym baǧyttardy keŋınen tüsındıru maqsatynda respublikalyq aqparattyq-tüsındıru tobynyŋ kezdesulerı öttı.
Aldymen Qyzylorda qalasyndaǧy «Dostyq üiınde» ziialy qauym, azamattyq qoǧam jäne būqaralyq aqparat qūraldary ökılderımen ötken kezdesuge Qazaqstan Halyq Keŋesınıŋ müşelerı Mūrat Äbenov, Janar Bimūratqyzy, Eŋbek jäne halyqty äleumettık qorǧau bırınşı vise-ministrı Erbol Tūiaqbaev, Auyl şaruaşylyǧy vise-ministrı Ermek Kenjehanūly jäne oblys äkımınıŋ orynbasary Meirambek Şermaǧanbet qatysty.
Kelesı «Qyzylorda elektr taratu toraptary kompaniiasynda» energetika salasynyŋ ardagerlerı, jūmysşy mamandarymen ötken kezdesuge Qūryltai deputaty Aidarbek Qojanazarov, Qazaqstan Halyq Keŋesınıŋ müşelerı Meirambek Jūmaşev, Energetika vise-ministrı Erlan Akbarov jäne oblys äkımınıŋ orynbasary Bahyt Jahanov qatysty.
Memleket basşysy bolaşaq ekonomikasyna köşudıŋ qūqyqtyq negızın qalyptastyru üşın jaŋa Azamattyq kodeks qabyldaudyŋ maŋyzyn atap öttı.
Būl bastama ekonomikalyq qatynastardy zaman talabyna sai jaŋǧyrtuǧa, käsıpkerlık qyzmettıŋ qūqyqtyq kepıldıkterın nyǧaituǧa jäne investisiialyq ahualdy jaqsartuǧa baǧyttalǧan.
Eldıŋ äleumettık-ekonomikalyq tūraqtylyǧyn qamtamasyz etu – basty mındetterdıŋ bırı. Joldauda äleumettık qoldau jüiesın qaita qarauǧa, azamattardyŋ ekonomikalyq derbestıgın qalyptastyruǧa basa män berılgen.
Elektr energiiasymen tūraqty qamtamasyz etu – eldıŋ ekonomikalyq derbestıgı men bäsekege qabıletın aiqyndaityn maŋyzdy faktor. «Elımız 2029 jylǧa qarai quat közın artyǧymen öndıretındei deŋgeige jetu kerek» degen strategiialyq mındet qoiylǧany belgılı.
Memleket basşysy Qasym-Jomart Kemelūly Syr öŋırınıŋ auyl şaruaşylyǧy äleuetıne erekşe toqtalyp, kürdelı klimattyq jaǧdaiǧa qaramastan, diqandar jügerı men soia ösırude nätijelı jūmys atqaryp jatqanyn aitty.
Osyǧan orai, kezdesulerde ekonomikany jaŋǧyrtu, käsıpkerlıktı qoldau, zaŋnamany jetıldıru, energetikalyq qauıpsızdıktı qamtamasyz etu jäne halyqtyŋ äl-auqatyn arttyru mäselelerı qozǧaldy.
Sondai-aq äleumettık saiasatty jaŋǧyrtu, agroönerkäsıp keşenın damytu, qoǧamdyq kelısım men ūlttyq qūndylyqtardy nyǧaitu baǧyttary qamtyldy. Şaǧyn jäne orta biznestı qoldau maqsatynda käsıpkerlık subektılerın tekseruge üş jyldyq moratorii engızudıŋ, äkımşılık kedergılerdı azaitudyŋ artyqşylyqtary söz boldy.
Qoǧamdyq damu men ideologiialyq tūraqtylyq mäselelerı de basqosulardyŋ negızgı taqyryptarynyŋ bırıne ainaldy.
Kezdesulerde respublikalyq aqparattyq-tüsındıru toby spikerlerınıŋ Joldaudyŋ basym baǧyttaryn keŋınen tüsındıru baǧytynda jasaǧan baiandamalaryna orai qatysuşylar ūsynys-pıkırlerın ortaǧa saldy.
Aita keteiık, Memleket basşysynyŋ Qazaqstan halqyna Joldauyn tüsındıru boiynşa respublikalyq aqparattyq-tüsındıru tobynyŋ öŋırdegı jūmysy jalǧasuda.
Aldaǧy uaqytta top müşelerı käsıpkerlermen, bılım salasynyŋ ökılderımen jäne audan tūrǧyndarymen de kezdesıp, Joldaudyŋ negızgı baǧyttaryn keŋınen tüsındırudı jäne halyqpen aşyq pıkır almasudy josparlauda.
Qyzylorda oblysy äkımınıŋ baspasöz qyzmetı