Qostanai oblysynda qoǧam ökılderımen, ǧylymi jäne pedagogikalyq qauymdastyqpen, eŋbek ūjymdarymen, sondai-aq qūqyq qorǧau organdarynyŋ qyzmetkerlerı jäne önerkäsıp käsıporyndarynyŋ jūmysşylarymen bırqatar kezdesuler öttı.
Kezdesulerdıŋ basty maqsaty – Qazaqstan Respublikasy Prezidentınıŋ «Jaŋa tarihi kezeŋdegı Qazaqstannyŋ özektı mındetterı» atty Joldauynda aiqyndalǧan negızgı baǧyttar men basymdyqtardy tüsındıru, memlekettık saiasattyŋ aldaǧy mındetterın jetkızu jäne olardyŋ öŋırlık deŋgeide jüzege asyrylu tetıkterın tanystyru boldy.
Baǧdarlama aiasynda qatysuşylar ekı topqa bölınıp, türlı sala ökılderımen kezdesuler ötkızdı.
Bırınşı toptyŋ qūramynda Qazaqstan Respublikasy Qūryltaiynyŋ deputaty E.V. Smyşliaeva, Qazaqstan Halyq Keŋesınıŋ müşelerı T.N. Kunadilov, R.S. Gadjibalaev, QR Ūlttyq ekonomika vise-ministrı E.E. Saǧnaev, QR Eŋbek jäne halyqty äleumettık qorǧau ministrlıgınıŋ Halyqty äleumettık qorǧau salasyndaǧy retteu jäne baqylau komitetınıŋ töraǧasy İ.V. Skub boldy.
Baǧdarlama «Qaz Talks» formatyndaǧy dialog alaŋynan bastaldy. Kezdesudı aşa otyryp, Ekaterina Smyşliaeva aldaǧy özgerısterdıŋ zaŋnamalyq negızderıne toqtaldy. Ol memlekettıŋ strategiialyq mındetterın ıske asyru üşın senımdı qūqyqtyq negız qalyptastyru, zaŋnamany jetıldıru jäne onyŋ qazırgı qoǧamnyŋ sūranystaryna säikestıgın qamtamasyz etu baǧyttarynyŋ maŋyzyn tüsındırdı.
Qazaqstan Halyq Keŋesınıŋ müşesı Tölegen Künädılov infraqūrylymdy jaŋǧyrtu jäne «Halyqtyq qūrylys» bastamasyn ıske asyru jönındegı mındetterdı baiandady. Ol Ūlttyq qor qarajatyn tiımdı ärı aşyq paidalanu, otandyq öndıruşıler men jergılıktı merdıger ūiymdardy tartu, jaŋa jūmys oryndaryn aşu jäne qūrylys jobalary qūnynyŋ negızsız ösuıne jol bermeu qajettıgın atap öttı. Sondai-aq bastamanyŋ negızgı maqsaty tek infraqūrylym nysandaryn salumen şektelmei, otandyq öndırıstı damytuǧa jäne öŋırlerdıŋ ekonomikalyq äleuetın arttyruǧa baǧyttaluy tiıs ekenın jetkızdı.
Būdan keiın Polisiia departamentınde qūqyq qorǧau organdarynyŋ qyzmetkerlerımen kezdesu öttı. Kezdesu barysynda «Zaŋ men tärtıp» qaǧidatyn ıske asyrudyŋ maŋyzy, qoǧamdyq qauıpsızdıktı qamtamasyz etu jäne qūqyq būzuşylyqtardyŋ aldyn alu baǧytyndaǧy mındetter tüsındırıldı. Atap aitqanda, internet-alaiaqtyq, kiberqylmys, esırtkı qylmystary men tūrmystyq zorlyq-zombylyqqa qarsy ıs-qimyl mäselelerıne nazar audaryldy. Sonymen qatar qūqyq būzuşylyqtardyŋ aldyn aluda otbasynyŋ, bılım beru ūiymdarynyŋ, jūmys beruşıler men qoǧamnyŋ özara ıs-qimyly, sondai-aq qūqyq qorǧau organdary qyzmetkerlerın äleumettık qorǧau şaralarynyŋ maŋyzdylyǧy aityldy.
Bırınşı toptyŋ kezdesulerı Qostanai qalasyndaǧy №31 jalpy bılım beretın mektepte pedagogikalyq qauymdastyqpen ötken kezdesumen qorytyndylandy. Pedagogterge bılım beru salasyn damytuǧa qatysty basym mındetter, mektep infraqūrylymyn jaŋǧyrtu, sapaly bılımge teŋ qoljetımdılıktı qamtamasyz etu, inkliuzivtı bılım berudı damytu jäne qauıpsız bılım beru ortasyn qalyptastyru baǧyttary tüsındırıldı. Sondai-aq pedagogterdıŋ äkımşılık jüktemesın azaitu, artyq eseptılıktı qysqartu jäne mūǧalımnıŋ käsıbi märtebesın nyǧaitu mäselelerıne toqtaldy.
Ekınşı toptyŋ qūramynda Qazaqstan Halyq Keŋesınıŋ müşelerı E.A. Äbıl, A.S. Lavrentev, G.G. Şipovskih jäne D.İ. Pavlenko, QR Energetika vise-ministrı S.S. Jarkeşov, QR Önerkäsıp jäne qūrylys ministrlıgı Önerkäsıp komitetınıŋ töraǧasy A.S. Panbaev boldy.
Alǧaşqy kezdesu Qostanai oblysynyŋ ǧylymi qauymdastyǧy ökılderımen Ahmet Baitūrsynūly atyndaǧy Qostanai öŋırlık universitetınde öttı. Kezdesu barysynda Prezident Joldauynda belgılengen ǧylymdy damytu, ǧylymi äleuettı nyǧaitu jäne ǧylymi qauymdastyq pen öndırıstık sektor arasyndaǧy bailanysty küşeitu mındetterı tüsındırıldı.
Qazaqstan Halyq Keŋesınıŋ müşesı Erkın Äbıl öz sözınde «Halyqtyq qūrylys» bastamasynyŋ negızgı maqsattary men ony jüzege asyru tetıkterıne toqtaldy. Ol infraqūrylymdy auqymdy jaŋǧyrtu otandyq öndırıstıŋ damuyna, öŋırlık käsıporyndardyŋ öndırıstık quatyn arttyruǧa jäne jaŋa jūmys oryndaryn aşuǧa yqpal etuı tiıs ekenın atap öttı. Sonymen qatar Ūlttyq qor qarajatyn importty qarjylandyruǧa emes, ışkı ekonomikany damytuǧa baǧyttaudyŋ maŋyzdylyǧyn tüsındırdı. Būdan bölek, öŋırlerdıŋ öndırıstık mümkındıkterın baǧalau, qūrylys materialdarynyŋ qūnyn baqylau jäne infliasiialyq täuekelderdıŋ aldyn alu qajettıgıne nazar audardy.
Qazaqstan Halyq Keŋesınıŋ müşesı Gennadii Şipovskih Qazaqstannyŋ kölık-logistikalyq äleuetın damytuǧa qatysty mındetterdı tüsındırdı. Ol eldıŋ tranzittık mümkındıkterın nyǧaituda temırjol infraqūrylymynyŋ strategiialyq maŋyzyn atap öttı. Atap aitqanda, Baqty – Aiagöz jaŋa temırjol jelısınıŋ qūrylysy, ony paidalanuǧa bergennen keiın jük tasymaly kölemın jylyna 20 mln tonnaǧa deiın ūlǧaitu mümkındıgı, temırjol jelısın keŋeitu, stansiialardy jaŋǧyrtu jäne jaŋa tehnologiialardy engızu baǧyttaryna toqtaldy. Onyŋ aituynşa, kölık salasyn damytu jaŋa jūmys oryndaryn aşuǧa jäne öŋırlerdıŋ ekonomikalyq ösuıne qosymşa mümkındıkter beredı.
Kelesı kezdesu «Baian Sūlu» AQ qyzmetkerlerımen käsıporyn aumaǧynda öttı. Kezdesu barysynda otandyq önerkäsıptı damytu, öndırıstık sektordy qoldau jäne käsıporyndardyŋ äleuetın arttyru jönındegı memlekettık saiasattyŋ basym baǧyttary tüsındırıldı.
Önerkäsıp käsıporyndarynyŋ jūmysşylarymen qorytyndy kezdesu Allur zauytynda öttı. Qatysuşylarǧa önerkäsıptı damytu, kölık-energetikalyq infraqūrylymdy jetıldıru jäne öŋırdıŋ öndırıstık äleuetın nyǧaitu baǧytynda közdelgen mındetter men olardy ıske asyrudyŋ maŋyzdylyǧy jetkızıldı.
Ötkızılgen kezdesuler Prezident Joldauynyŋ negızgı basymdyqtaryn tüsındıruge, memlekettık saiasattyŋ aldaǧy mındetterın halyqqa jetkızuge jäne qoǧam men memlekettık organdar arasyndaǧy özara bailanysty nyǧaituǧa baǧyttaldy. Kezdesuler barysynda zaŋnamalyq reformalar, azamattardy äleumettık qorǧau, otandyq öndırıstı qoldau, kölık logistikasyn damytu jäne bılım beru infraqūrylymyn jetıldıru siiaqty el damuy üşın maŋyzdy baǧyttar qamtyldy.
Baspasöz qyzmetı