Oǧan QR Parlamentı Senatynyŋ töraǧasy Mäulen Äşımbaev, QR Parlamentı Mäjılısınıŋ töaǧasy Erlan Qoşanov, QR Mädeniet jäne aqparat ministrı Aida Balaeva qatysty. Is-şarada Aida Balaeva Prezident Qasym-Jomart Toqaevtyŋ qūttyqtau hatyn oqyp berdı.
«Halqymyz özıŋızdı mädenietımız ben önerımızdı örkendetuge üles qosyp kele jatqan qarymdy qalamger, körnektı qoǧam qairatkerı retınde jaqsy bıledı jäne qūrmetteidı. Eŋbek jolynda bırqatar otandyq gazet-jurnaldar men baspada jemıstı jūmys jasap, ūlttyq ädebietımızdıŋ ılgerı basuyna küş-qairatyŋyzdy jūmsadyŋyz. Qazaq poeziiasyna özındık örnegıŋızben kelıp, aişyqty oilar men airyqşa dara şumaqtaryŋyzben tanyldyŋyz. Elımızdıŋ märtebesın asqaqtatqan Täuelsızdık pen beibıt ömırdı jäne tabiǧat sūlulyǧyn arqau etken jalyndy jyrlaryŋyzdy talǧamy biık oqyrman jyly qabyl aldy. Sonymen qatar, otbasy qūndylyqtary, qyz balanyŋ tärbiesı, ananyŋ qoǧamdaǧy rölı turaly paiymdy pıkırlerıŋız qoldau tauyp keledı. Aldaǧy uaqytta el-jūrttyŋ ortasynda syi-qūrmetke bölenıp, şyǧarmaşylyq ızdenısterıŋız tabysty bola beruıne tılektespın. Sızge myqty densaulyq jäne otbasyŋyzǧa baq-bereke tıleimın!», – delıngen qūttyqtau hatta.
Öz sözınde Aida Balaeva aqyndy mereilı jasymen qūttyqtap, qalamger şyǧarmaşylyǧynyŋ ūrpaq tärbiesı, jastardyŋ boiyna ruhani qūndylyqtardy sıŋıruge zor üles qosqanyn atap öttı.
«Prezident atap ötkendei, qazaq ädebietınde Aqūştap Baqtygereevanyŋ özındık örnegı, oryny bölek. Sebebı aqyn apamyzdyŋ öleŋderı är qazaqtyŋ jüregıne jaqyn. Onyŋ poeziiasy erekşe syrşyldyqpen, sezımtaldyqpen örılgen. Qalamgerdıŋ qazaq äielınıŋ beinesın asqaqtatqan bıregei tuyndylaryn erekşe atap ötkım keledı. El anasy, ūlt tärbiesınıŋ janaşyry retınde qūndylyqtarymyzdy qasterleuge, qazaq qyzdaryna parasat pen tärbie närın sıŋıruge zor üles qosyp keledı», – dedı A. Balaeva.
Sondai-aq, ministr mereitoiǧa orai türlı ıs-şaralar, ädebi keşter ūiymdastyrylyp jatqanyn aitty.
Atap aitsaq, keşe aqyn mereitoiyna orai Qazaq ūlttyq öner universitetınde ädebi-sazdy keşı bolyp öttı.
Al, bügın Q.Quanyşbaev atyndaǧy qazaq ūlttyq-muzykalyq teatrynda Batys Qazaqstan oblystyq Hadişa Bökeeva atyndaǧy qazaq drama teatry Aqūştap Baqtygereeva men dramaturg Mädina Omarovanyŋ ssenariımen äzırlengen «Jūban» poetikalyq dramasyn sahnalady.
QR Ūlttyq akademiialyq kıtaphanasynda «Alaştyŋ Aqūştaby» atty ädebi kezdesu bolyp öttı. Kezdesude aqynnyŋ «Menıŋ Farizam» atty jaŋa kıtabynyŋ tūsaukeserı ötkızıldı. Aqyn būl kıtabynda qazaq äielderı arasynan şyqqan bıregei qalamger Fariza Oŋǧarsynovanyŋ ömır joly turaly syr şertedı.
Sonymen qatar, L. Gumilev atyndaǧy Euraziia Ūlttyq universitetınde Aqūştap Baqtygereevanyŋ oqyrmandarmen kezdesuı ūiymdastyryldy.
QR Mädeniet jäne aqparat ministrlıgınıŋ baspasöz qyzmetı