2026 jyldyŋ basynda Memleket basşysy «Qazaqstan Respublikasynyŋ keibır zaŋnamalyq aktılerıne turistık salany jäne balalar sportyn qoldau mäselelerı boiynşa özgerıster men tolyqtyrular engızu turaly» Qazaqstan Respublikasynyŋ Zaŋyna qol qoiǧan bolatyn.
Zaŋda bılıktılık testıleuınen sättı ötken jäne ūlttyq daiarlyq standarttaryna säikes oqu-jattyǧu prosesın jürgızetın jattyqtyruşy-oqytuşylarǧa lauazymdyq jalaqysynyŋ 30%-y mölşerınde qosymşa aqy töleu közdelgen.
Qazırgı uaqytta elımızde 526 balalar men jasöspırımder sport mektebı jūmys ısteidı. Būl mekemelerde 15 myŋnan astam jattyqtyruşy-oqytuşy eŋbek etedı. Olardyŋ jetekşılıgımen 398 342 bala sportpen şūǧyldanady. Sport mektepterıne balalar 5 jastan bastap qabyldanady. Bügıngı künı jylbasynan berı är öŋırdegı sporttyq mekelerdıŋ 5863 jattyqtyruşysy bılıktılıktı arttyru kursnan öttı.
Jospar boiynşa jyl saiyn jattyqtyruşy-oqytuşylardyŋ şamamen 30%-dan astamy bılıktılık testıleuınen ötude. Ony Respublikalyq dene şynyqtyru jäne sport boiynşa oqu-ädıstemelık jäne taldau ortalyǧy ūiymdastyrady.
Jattyqtyruşy-oqytuşylarǧa qosymşa aqy töleuge jergılıktı biudjetten qarajat bölu mäselesın Respublikalyq biudjet komissiiasy qoldady.
Zaŋda balalar men jasöspırımder sport mektepterın (BJSM) jan basyna şaqqandaǧy normativtık qarjylandyru jüiesıne köşıru jäne jattyqtyruşy-oqytuşylardyŋ eŋbekaqysyn arttyru şaralary qarastyrylǧan.
2026-2028 jyldarǧa arnalǧan qarjylandyrudyŋ jalpy kölemı 74 mlrd teŋgenı qūraidy. Onyŋ 1,8 mlrd teŋgesı jattyqtyruşy-oqytuşylarǧa qosymşa aqy töleuge baǧyttaldy.
Qalǧan qarajat sport mektepterınıŋ materialdyq-tehnikalyq bazasyn nyǧaituǧa, balalardyŋ jarystar men oqu-jattyǧu jiyndaryna qatysuyn qamtamasyz etuge, farmakologiialyq qamtamasyz etuge, sondai-aq sporttyq kiım-keşek pen qajettı jabdyqtardy satyp aluǧa jūmsaluda.
Zaŋnamalyq özgerıster jattyqtyruşy mamandyǧynyŋ bedelın arttyruǧa, balalar men jasöspırımder sportyna bılıktı mamandardy tartuǧa, täjıribelı jattyqtyruşylardy salada saqtap qaluǧa jäne bolaşaq chempiondardy daiarlauǧa qolaily jaǧdai jasauǧa baǧyttalǧan.
Baspasöz qyzmetı