Litvanyŋ Vilnius qalasynda 37-şı Halyqaralyq biologiia olimpiadasy (International Biology Olympiad, IBO-2026) öz märesıne jettı. 12-19 şılde aralyǧynda ötken älemdegı eŋ bedeldı ziiatkerlık jarystardyŋ bırıne 84 elden 330-dan astam daryndy jas biolog qatysty.
Olimpiada barysynda qatysuşylar kürdelı teoriialyq tapsyrmalarmen qatar, tereŋ bılım men zertteuşılık daǧdylardy talap etetın zerthanalyq täjıribelerdı de sättı oryndady.
Jarys qorytyndysy boiynşa Qazaqstan qūramasy üş kümıs jäne bır qola medal jeŋıp alyp, 1996 jyly qol jetkızılgen ūlttyq qūramanyŋ Halyqaralyq biologiia olimpiadasyndaǧy üzdık nätijesın qaitalady.
Qazaqstan qūramasynyŋ jüldegerlerı:
Qaiyrken Ersūltan - Pavlodar oblysyndaǧy «Bılım-innovasiia» daryndy er balalarǧa arnalǧan lisei-internatynyŋ 11-synyp oquşysy;
Äşırhanov Älihan - Almaty qalasyndaǧy «Bılım-innovasiia» mamandandyrylǧan lisei-internatynyŋ 9-synyp oquşysy;
Jeltova Sofia - Almaty qalasy Medeu audanyndaǧy NIS-tıŋ 11-synyp oquşysy;
Mejenina Evgeniia - Qaraǧandy qalasyndaǧy NIS-tıŋ 11-synyp oquşysy.
Qūrama komandanyŋ jetekşılerı men jattyqtyruşylary:
🔺Leila Asqarova - MD, Nazarbayev University;
🔺Iliias Säkımov - «Bılım-innovasiia» HQQ ädıskerı;
🔺Kämilä Sadyqova - Nazarbayev University zerthanasynyŋ üilestıruşısı;
🔺Dınmūhammed Orazbaev - Astana medisina universitetınıŋ studentı.
Halyqaralyq biologiia olimpiadasy 1990 jyldan berı ötkızılıp keledı. Qazaqstan būl olimpiadaǧa 1994 jyldan berı tūraqty qatysyp keledı. 2025 jyly ūlttyq qūrama tört qola medal jeŋıp alsa, 2026 jyly 1996 jylǧy üzdık nätijenı qaitalap, qazaqstandyq oquşylardyŋ älemdık deŋgeidegı joǧary daiarlyǧyn taǧy bır märte däleldedı.