Pavlodar oblysy boiynşa qylmystyq-atqaru jüiesı departamentıne qarasty №46 mekemesınde jedel bölım qyzmetkerlerı tyiym salynǧan zattardy sottalǧanǧa jetkızu äreketınıŋ jolyn kestı. Ailakerlıkpen jasalǧan būl äreket qyzmetkerlerdıŋ qyraǧylyǧy men käsıbilıgınıŋ arqasynda äşkerelendı. Sottalǧanǧa joldanǧan banderoldı josparly tekseru barysynda qyzmetkerler onyŋ ışın mūqiiat qarap şyqty. Alǧaş qaraǧanda qoraptyŋ ışınde kädımgı şai paketterı bolǧandyqtan, kümän tuǧyzbaǧan. Alaida tolyq tekseru kezınde olardyŋ mülde basqa närse ekenı anyqtalǧan. Bır rettık şai paketterın aşu barysynda olardyŋ ışıne SIM-kartalar jasyrylǧany belgılı boldy. Jıberuşı ūsaq plastik bölşekter şaidyŋ arasynda baiqalmai ketedı dep ümıttengen boluy mümkın. Degenmen qyzmetkerlerdıŋ qyraǧylyǧynyŋ arqasynda būl bailanys qūraly sottalǧanǧa jetpei, der kezınde anyqtalyp, toqtatyldy. Aita ketu kerek, sottalǧandarǧa ūialy bailanys qūraldaryn paidalanuǧa qataŋ tyiym salynǧan. Mūndai şekteuler jaŋa qūqyq būzuşylyqtardyŋ aldyn alu, sondai-aq kuälar men jäbırlenuşılerge qysym körsetudıŋ jolyn kesu maqsatynda engızılgen. Anyqtalǧan barlyq SIM-karta tärkılenıp, tiıstı türde qūjattandyryldy. Qazırgı uaqytta sottalǧanǧa qatysty tärtıptık jauapkerşılık mäselesı qarastyrylyp jatyr.Al jıberuşıge Qazaqstan Respublikasynyŋ zaŋnamasyna säikes äkımşılık jauapkerşılık qarastyryluy mümkın. QAJ qyzmetkerlerı mekemelerge telefon, SIM-karta, esırtkı zattary nemese spirttık ışımdıkter siiaqty tyiym salynǧan zattardy jetkızu äreketı – zaŋ būzuşylyqqa jatatynyn eskertedı. Mūndai aila-täsılderdıŋ barlyǧy der kezınde anyqtalyp, kınälı tūlǧalar zaŋ aldynda jauap beredı.
Aqparat közı Polisia.kz saitynda: https://polisia.kz/pavlodar-oblysynda-sottalghangha-tyjym-salynghan-zatty-zhasyryn-zhetkizu-areketi-ashkerelendi/