Şaranyŋ maqsaty – şeteldegı etnikalyq qazaq aqyn-jazuşylarynyŋ şyǧarmaşylyǧyn qoldau, olardyŋ eŋbekterın qalyŋ auditoriiaǧa tanystyru jäne qazaq mädenietınıŋ bıregeilıgın saqtap, nyǧaitu.

QR Parlamentı deputattary, qoǧam qairatkerlerı, kıtap avtorlary, Qazaqstan Jazuşylar odaǧy men Otandastar qorynyŋ basşylyǧy qatysty. Şara barysynda şeteldegı qazaq aqyn-jazuşylarynyŋ şyǧarmaşylyq eŋbekterı alǧaş ret qazaq oqyrmandaryna ūsynyldy. Kıtaptar qazaq ädebietınıŋ bailyǧyn körsetıp, şeteldegı etnikalyq qazaqtardyŋ ūlttyq bıregeilıgın saqtauǧa baǧyttalǧan.2024 jyly baiqau jeŋımpazy atanyp, şyǧarylǧan kıtaptar:

«Qobdanyŋ qoŋyr jelı» – Rysbek Zūrǧanbaiūly (Moŋǧoliia).

«Ürker auyp barady» – Zülkäpıl Mäulıtūly (Moŋǧoliia).

«Täjıkstandaǧy qazaqtar» – Abdusattar Nuraliev (Täjıkstan).

«Aqiqattyŋ dämı aşy» – Jarasqan Myrzamūratov (Özbekstan).

«Kımdı kınälarsyŋ…» – Erbaqyt Nüsıpūly (Moŋǧoliia).

«Ūrpaǧyŋ üzılmesın» – Mūhtasyrov Pioner Soltanovich (Resei).

«Qarasu jyrlary» – Lala Jünısqyzy Jūmanova (Özbekstan).

«Örıktı köl» – Eleusız Mūqamädiūly (Moŋǧoliia).

«Aitaǧaly salt atty» – Baman Qūrmanhanūly (Moŋǧoliia).

«Ūly Dala» jobasy şeteldegı qazaqtardyŋ mädeni jäne ädebi mūralaryn zertteudı, jinaqtaudy, basyp şyǧarudy jäne köpşılıkke taratudy maqsat etedı. Şeteldegı qazaqtardyŋ şyǧarmaşylyq eŋbekterı Qazaqstanda keŋınen tanylyp, olardyŋ mädeni mūrasy nasihattalady. Qazaq ädebietı jaŋa şyǧarmalarmen tolyǧyp, ūlttyq bıregeilık nyǧaitylady. Jas ūrpaq qazaqtyŋ mädeni jäne ädebi qūndylyqtaryna tereŋ qyzyǧuşylyq tanytuǧa mümkındık alady.

QR Syrtqy ıster ministrlıgıne qarasty «Otandastar qory» KEAQ men Qazaqstan Jazuşylar odaǧy biyl da şeteldegı qazaqtardyŋ şyǧarmaşylyq eŋbekterın jinaqtap, nasihattaudy jalǧastyratynyn atap öttı. «Ūly dala – 2025» halyqaralyq baiqauyna ötınım qabyldau bastaldy.