QR Premer-ministrınıŋ bırınşı orynbasary Nūrlybek Nälıbaev Qyzylorda oblysyna jūmys saparymen bardy. Memleket basşysynyŋ tapsyrmasymen jüzege asyrylyp jatqan äleumettık jäne infraqūrylymdyq jobalardyŋ qūrylys barysyn tekserdı.
Qyzylorda oblysynda keiıngı jyldary salynǧan bılım beru, densaulyq saqtau, mädeniet jäne sport nysandary bügınde el igılıgıne qyzmet etude.
Memleket basşysy jyl basynda ötken Ūlttyq qūryltai otyrysynda «Menıŋ tapsyrmammen Qyzylordada 300 orynǧa arnalǧan köpsalaly auruhananyŋ qūrylysy bastaldy. Köp ūzamai 500 oryndyq emhana jäne 200 oryndyq perzenthana salynady» dep äleumettık salanyŋ infraqūrylymyn damytu baǧdaryn belgılegen bolatyn. Būl auqymdy jobalardyŋ är kezeŋınde atqarylǧan jūmystar Premer-ministrdıŋ baqylauynda.
Delegasiia aldymen Prezident saiabaǧy aumaǧyndaǧy toǧyz qabatty 15 tūrǧyn üidıŋ qūrylysymen tanysty. Jalpy qūny 22 mlrd teŋge bolatyn joba respublikalyq biudjet esebınen qarjylandyrylǧan. Bas merdıger «Meliorator» JŞS salǧan tūrǧyn üi keşenınde 945 päter qarastyrylǧan, jaqynda paidalanuǧa berıledı.
Jūmys sapary kezınde Memleket basşysynyŋ qoldauymen salynǧan Botanikalyq baq ta nazardan tys qalmady. Prezident saiabaǧy aumaǧyndaǧy keşende Qytai, Japoniia, Oŋtüstık Afrika, Australiia, Madagaskar, Oŋtüstık jäne Ortalyq Amerikadan äkelıngen 92 türlı 3,3 myŋnan astam ekzotikalyq jäne tropikalyq ösımdık otyrǧyzylǧan. Mikroklimatty avtomatty basqarudyŋ, suaru jäne su daiyndaudyŋ zamanaui injenerlık jüielerımen jabdyqtalǧan.
Atalǧan aumaqta elımızdegı üşınşı Prezidenttık kıtaphana men drama teatr boi köterıp keledı.
Qyzylorda qalasynda täulık boiy jūmys ısteitın kıtaphana men jaŋa drama teatr salu Memleket basşysynyŋ Ūlttyq qūryltai otyrysynda bergen tapsyrmasy aiasynda jüzege asyryluda.
Säuır aiynda ǧimarattyŋ ırgetasy qalanyp, kapsulasy salyndy.
İnvestor qarajaty esebınen qūrylysyna 20 mlrd teŋge qaralǧan kıtaphanada zamanaui oqu jäne konferensiia zaldary, mūraǧat bölımı, baspahana, mediazerthana, podkast studiiasy bolady. Mūnda 1 mln-nan astam kıtap qory saqtalady.
Jaŋa drama teatr qūrylysyna da 20 mlrd teŋge bölıngen, ǧimarat 520 körermenge arnalǧan. Joba boiynşa qoiylym aldy daiyndyq zaldary, studiia jäne şyǧarmaşylyq keŋıstıkter, äkımşılık kabinetter bar. Türlı janrdaǧy qoiylymdardy sahnalauǧa qajettı zamanaui tehnikamen, quatty dybys jüiesımen jabdyqtalady.
Sondai-aq Syrdariia özenı jaǧalauyna şaiyludan qorǧaityn arnaiy tırek qūrylymdary ornatyluda. Tūrǧyndarǧa yŋǧaily bolu üşın jaiau jürgınşıler joly men velojolaq salynady. Bügınde jūmystyŋ 50%-y aiaqtalǧan.
«Qyzylorda Arena» köpfunksionaldy sport keşenınıŋ qūrylys alaŋynda da jūmys qarqyndy jürıp jatyr. Keşende 50 metrlık jüzu basseinı, halyqaralyq jarystar ötkızuge arnalǧan 2,5 myŋ oryndyq ämbebap sport zaly jäne 300 oryndyq konferens-zal ornalasady.
Qazır ärleu, metall konstruksiialaryn montajdau, injenerlık jäne elektr jelılerın tartu, vitraj ornatu, aumaqty abattandyru jūmystary jürgızılude. Nysandy biyl paidalanuǧa beru josparlanǧan.
Sapar barysynda öŋırde jüzege asatyn jaŋa investisiialyq jobalar da tanystyryldy.
İnvestorlar Syrdariianyŋ sol jaǧalauynan tūrǧyn üi keşenın salu, jeldetu jäne aua baptau qondyrǧylaryn qūrastyru, sanitarlyq-tehnikalyq būiymdar qūrastyru jäne öndıru jobalaryna basymdyq berıp otyr. Tomat pastasy men kökönıs piuresı öndırısı agrosalanyŋ äleuetın arttyruǧa baǧyttalǧan. Sondai-aq investorlar sūiytylǧan tabiǧi gaz öndıruge, ekı qorǧasyn-myryş tau-ken baiytu zauytyn, köpfunksionaldy sauda-oiyn-sauyq keşenın saluǧa niet bıldırıp, kelıssözder jürgızılude.
Qyzylorda qalasynyŋ şet aimaǧy Titov şaǧyn audanyndaǧy №5 qalalyq emhana bır auysymda 400 adam qabyldaityn medisinalyq mekemege ainalady. Qūrylysqa 9,7 mlrd teŋge bölıngen. Qazır üşınşı qabattyŋ monolittı konstruksiialary betondalyp, ışkı injenerlık jelıler tartyluda.
Taǧy bır emhana Memleket basşysynyŋ tapsyrmasymen 14 mlrd. 780 mln. teŋgege Syrdariia özenınıŋ sol jaǧalauynan boi köterıp keledı.
Bır auysymda 500 keluşını qabyldaityn mekemede ambulatoriialyq-emhanalyq, diagnostikalyq jäne kündızgı stasionarlyq qyzmet körsetıledı. Mamandandyrylǧan bölımdermen qatar, 50 tösektık kündızgı stasionar, oqu kabinetterı jäne konferens-zal qarastyrylǧan.
Memleket basşysy atap ötken 300 tösektık köpbeiındı auruhananyŋ qūrylysy da qarqyndy jürgızılude. Oǧan 34,9 mlrd. teŋge bölıngen. Medisinalyq keşen qūramynda emhana, operasiia jäne reanimasiia bölımderı, himioterapiia jäne radioterapiia ortalyqtary, fizioterapiia, pansionat jäne äkımşılık bloktar bolady. Qazırgı uaqytta ışkı jäne syrtqy ärleu, injenerlık jüielerdı montajdau, keramikalyq plitka töseu, qasbettı qaptau jäne abattandyru jūmystary jalǧasuda.
Nysandardy aralau kezınde merdıger mekeme basşylaryna qūrylys sapasy men merzımıne qatysty talaptardy qataŋ saqtau tapsyryldy.
«Özderıŋızge belgılı, Memleket basşysynyŋ qoldauymen öŋırdıŋ densaulyq saqtau salasy infraqūrylymyn damytuda bırneşe auqymdy joba qolǧa alynǧan. Maqsat – medisinalyq qyzmettı jūrtşylyqqa qoljetımdı etu. Nysandar Memleket basşymyzdyŋ erekşe nazarynda, Premer-ministr qūrylystyŋ är kezeŋın baqylauda ūstaidy. Būl mekemelerdıŋ halyqqa sapaly, jan-jaqty qyzmet körsetuın baqylau osy qūrylys satysynan bastaluy kerek. Ǧimarattar belgılengen merzımde, barlyq talapqa sai küiınde paidalanuǧa berıluı tiıs. Sonda ǧana emdeluşılerge körsetıletın qyzmet sapasy mınsız bolmaq», — dedı Nūrlybek Nälıbaev.