Bügın Qyzylorda oblysynyŋ äkımı Mūrat Ergeşbaevtyŋ qatysuymen Mūnaişylar künı aiasynda «Qūmköl» ken ornynyŋ önerkäsıptık igerıluınıŋ 40 jyldyǧyna arnalǧan «Qūmköl: Qara altyn şejıresı» atty saltanatty şara öttı.
Aimaq basşysy mūnai salasynyŋ el ekonomikasyndaǧy maŋyzyn atap ötıp, mamandardy käsıbi merekemen qūttyqtady.
«Prezidentımız Qasym-Jomart Kemelūly: «Mūnai-gaz salasy – ekonomikamyzdyŋ tıregı, elımızdıŋ qarqyndy damuynyŋ kepılı. Memleket ärqaşan energetika salasynyŋ äleuetın arttyruǧa, jaŋa ken oryndaryn igeruge jäne sala jūmysşylarynyŋ müddesın qorǧauǧa erekşe köŋıl böledı», dep atap ötken bolatyn.
Elımızdıŋ ekonomikalyq äleuetın arttyruda Qyzylorda oblysyndaǧy mūnai kompaniialarynyŋ, onda eŋbek etetın mūnaişylardyŋ ülesı zor», – dedı Mūrat Ergeşbaev.
«Qūmköl» kenışın igeru turaly şeşım osydan qyryq jyl būryn qabyldanyp, ken orny öŋırdegı öndırıstıŋ özegıne ainaldy. Oblys mūnaily aimaqqa ainalu jolynda qalyptasu, damu kezeŋderınen öttı.
Saltanatty şarada «QazMūnaiGaz» ŪK AQ basqarma töraǧasy Ashat Hasenov, «CNPC Central Asia» jäne «CNPC Kazakhstan» kompaniialarynyŋ bas direktory Iаn Miniui, «PetroQazaqstan Qūmköl Resorsiz» AQ prezidentı Chen Daiu qūttyqtau söz söiledı.
Mūnai-gaz salasyn damytuǧa qosqan eleulı ülesı men öndırıstık qyzmettegı joǧary jetıstıkterı üşın sala mamandary memlekettık jäne salalyq marapattarǧa ie boldy.
Atap aitqanda, mūnaişylarǧa memlekettık, vedomstvolyq nagradalar men «Qūmköl» ken ornynyŋ 40 jyldyǧyna arnalǧan mereitoilyq medal tabystaldy.
Öŋırde mūnai kompaniialarynyŋ qoldauymen äleumettık nysandar salynyp, infraqūrylymdyq jäne äleumettık jobalar jüzege asuda. «QazGermūnai» kompaniiasynyŋ demeuşılıgımen «Oquşylar saraiy», «Sauts Oil» kompaniiasynyŋ qoldauymen muzykalyq kolledj ǧimaraty jataqhanasymen bırge salyndy. Al «PetroQazaqstan Qūmköl Resorsiz» AQ jyl saiyn qaiyrymdylyq şaralaryna 150 mln teŋgeden astam qarjy bölıp keledı.
Jaŋa kenışterdı anyqtau maqsatynda şögındı basseinderdı zerdeleu qarastyrylǧan. Aral şögındı basseinınde geologiialyq zertteu jūmystary 2024 jyldyŋ jeltoqsan aiynda aiaqtalyp, şamamen 1,1 mlrd. tonna kömırsutek qory anyqtaldy. Al, Syrdariia şögındı basseinın zertteu jalǧasuda. «SautsOil» kompaniiasy taqtatas mūnaiyn dästürlı emes täsılmen öndıru üşın daiyndyq jūmystaryn bastady.
Qyzylorda oblysy äkımınıŋ baspasöz qyzmetı