Qazaqstan Prezidentı Korol VI Felipe men barşa ispan halqyn İspaniia ūlttyq qūramasynyŋ futboldan älem bırınşılıgındegı jarqyn jeŋısımen jäne ekı dürkın älem chempiony atanuymen qūttyqtady.
- Ūlttyq qūramaŋyzdyŋ joǧary şeberlıgı, üilesımdı komandalyq oiyny jäne jeŋıske degen jıgerı milliondaǧan janküierdı täntı ettı. İspaniianyŋ jahandyq deŋgeide moiyndalǧan futboldan ozyq täjıribesı barşaǧa ülgı. Osy rette biyl Qazaqstanda «Atletiko Madrid» kluby akademiiasynyŋ aşylǧanyn erekşe quanyşpen atap ötemın. Būl bastama halyqtarymyz arasyndaǧy dostyq pen san qyrly yntymaqtastyqty nyǧaituǧa, sondai-aq jastar arasyndaǧy bailanystardy tereŋdetuge zor serpın bererıne kämıl senemın, – dep jazylǧan jedelhatta.
Qasym-Jomart Toqaev VI Felipenıŋ el müddesıne baǧyttalǧan igı bastamalaryna sättılık, al dostas ispan halqyna baq-bereke tıledı.