Jetısu oblysynda bügınde şaǧyn jäne orta biznestı damytuǧa 25 myŋnan astam käsıpker äiel üles qosuda. Būl şaǧyn jäne orta biznes subektılerınıŋ jalpy sanynyŋ 45 %-dan astamy. Būl turaly bügın Taldyqorǧanda «Atameken» käsıpkerler palatasynda «Äiel käsıpkerlıgı – memlekettıŋ tıregı» taqyrybynda ötken «Jetısu Women Forum – 2026» oblystyq forumy men jobalar körmesınde aityldy. Forumda ısker äielder qauymdastyǧynyŋ, memlekettık organdardyŋ, qarjy instituttary men qoǧamdyq ūiymdardyŋ ökılderı bas qosyp, jyl qorytyndysyn şyǧaryp, täjıribe almasty, sondai-aq äielder käsıpkerlıgın damytudyŋ aldaǧy baǧyttaryn talqylady, – dep habarlaidy Jetısu oblysy äkımınıŋ baspasöz qyzmetı.
Forumǧa qatysqan oblys äkımınıŋ orynbasary Dias Esdäuletov öz sözınde:
- Bügınde Jetısu oblysynda 25 myŋnan astam äiel käsıpkerlıkpen ainalysady. Būl şaǧyn jäne orta biznes subektılerınıŋ jalpy sanynyŋ 45 paiyzynan astamyn qūraidy. Būl körsetkış respublikalyq deŋgeige jaqyndap qaldy. Degenmen bızde odan ärı de ösu äleuetı bar. Osy maqsatta äielderdıŋ öz ısın aşyp, käsıpkerlıgın keŋeituıne qolaily jaǧdai jasauǧa ūmtylyp otyrmyz, – dep atap öttı D. Esdäuletov.
Onyŋ aituynşa, şaǧyn jäne orta biznestı damytu memlekettık saiasattyŋ basym baǧyttarynyŋ bırı bolyp qala beredı. Būl rette jeŋıldetılgen qarjylandyru, subsidiialau, oqytu, konsultasiialyq qoldau siiaqty qoljetımdı kömek tetıkterı maŋyzdy röl atqarady. Äsırese, käsıpkerlıkke endı qadam basqan äielderge jäne auyldyq jerlerde öz ısın damytyp otyrǧan käsıpker äielderge erekşe nazar audaru qajet.
Osy oraida oblystyq Käsıpkerler palatasynyŋ direktory Däuren Oŋalbaev öz ısın aşuǧa nemese käsıbın keŋeituge niettı äielderge praktikalyq qoldau körsetude Isker äielder keŋesınıŋ airyqşa röl atqaratynyn atap öttı. Tek biyldyŋ özınde 1 500-den astam äiel oqytylǧan. Olar mūnda täjıribelık daǧdylardy meŋgerıp, konsultasiialyq kömek, mentorlyq qoldau körsetılıp, jobalary süiemeldenedı. Äielder üşın būl oqu öz käsıbın bastauǧa jasalǧan alǧaşqy qadam deuge bolady.
Oqytuǧa «Bır auyl – bır önım» jobasynyŋ tabysty käsıpker äielderı de tartylyp, olar öz käsıbın aşu men damytu täjıribesın bölısedı. Atap ötsek, joba bastalǧan 2023 jyldan berı oǧan 138 käsıpker qatysyp, olardyŋ 25-ı öŋırlık ırıkteudıŋ finalisterı atanǧan. Sonymen qatar 20-dan astam äiel «Auyl amanaty» jobasy aiasynda türlı granttar men jeŋıldetılgen nesieler türınde qarjylai qoldau alǧan. Būl baǧyttaǧy jūmysqa halyqtyŋ äleumettık osal toptaryna arnalǧan «Käsıpke jol» jobasynyŋ qatysuşylary da tartylǧan.
Forumǧa qatysuşylar eŋbegınıŋ naqty nätijelerı ıs-şara aiasynda ūiymdastyrylǧan körmede tanystyryldy. Onda et jäne balyq önımderı, süt, nan-toqaş önımderı, bal, tūrmystyq jäne kosmetologiialyq qūraldar, zergerlık būiymdar, sondai-aq ūlttyq qolöner tuyndylary ūsynyldy.
Körmege ötken jylǧy «Bır auyl – bır önım» jobasynyŋ jeŋımpazy Bibıgül Älımbekqyzy da qatysty. Ol öz käsıbın damytumen qatar, basqa äielderge aşytqysyz nan pısırudı üiretıp, olardyŋ jaŋa daǧdylardy meŋgeruıne jäne käsıpkerlıkke alǧaşqy qadam jasauyna kömektesude.
Äsel Külbekova ekı jyl boiy damytyp kele jatqan jylyjai şaruaşylyǧy jobasyn tanystyrdy. Äleumettık käsıpker Svetlana Zubovichtıŋ mentorlyq qoldauynyŋ arqasynda joba naqty ıske asyp, jaŋa jūmys oryndaryn aşuǧa mümkındık berdı. Al Saniia Qūrmanǧalieva kiızden oiynşyq jasaumen ainalysady.
- Men kiızden oiynşyq jasaimyn. Är oiynşyqty jasaumen ainylysyp kele jatqanyma 7 jyldan asty. Būl ıs maǧan öte ūnaidy, öz käsıbımnen demalamyn. Är oiynşyqty äzırleuge şamamen ekı saǧattai uaqyt ketedı. Tek taza materialdardy paidalanamyn, sondyqtan allergiia tuǧyzbaidy. Tek ūlttyq mazmūndaǧy oiynşyqtar ǧana emes, sonymen qatar balalardy qyzyqtyratyn zamanaui keiıpkerlerdıŋ beinesın de jasaimyn. Sondai-aq etno-stildegı şapandar, jiletter, sumkalar men arqa qorjyndaryn da daiyndaimyn. Aldaǧy uaqytta ısımdı damytqym keledı, - dedı S. Qūrmanǧalieva.
- 20 jyldan berı omartaşylyqpen ainalysyp kelemız. Alǧaşynda 5 ūiadan bastadyq, qazır olardyŋ sanyn 300-ge jetkızdık. Baldyŋ 8 türın daiyndaimyz, sonymen qatar perga, kremder, balauyz şamdaryn şyǧaramyz. Özım köp balaly anamyn. Otbasylyq ısımızge balalarym qolǧabys etedı. Şaruaşylyqty ülken ūlymyz jürgızedı. Al bız joldasymyz ekeumız önımdı ötkızumen ainalysamyz. Bızdıŋ tauarlarymyzdy tūtynuşylar köp. Būl - bızdıŋ kündelıktı qajyrly eŋbegımız ben önımnıŋ sapaly şyǧaryluynyŋ nätijesı, - dedı käsıpker İrina Siura.
Jobalardyŋ tanystyrylymy qorytyndylanǧan soŋ marapattau räsımı ötıp, öŋırde äielder käsıpkerlıgın damytuǧa üles qosqan bırqatar äielge qūrmet körsetıldı.
«Jetısu Women Forum – 2026» forumy äielder käsıpkerlıgınıŋ öŋır ekonomikasynyŋ maŋyzdy bölıgı ekenın taǧy bır märte däleldedı. Käsıpker äielderdıŋ bır alaŋǧa toptasuy, bılım aluy, tälımgerlık qoldau men memlekettık kömek tetıkterıne qol jetkızuı olardyŋ tyŋ ideialardy jüzege asyruyna, jaŋa jūmys oryndaryn aşuyna, qala men auyldyq jerlerde biznestı damytuyna jol aşady.
Jetısu oblysy äkımınıŋ baspasöz qyzmetı
Fotograf: Dmitrii Erofeev