Joba avtorlary körermenge kertartpa tärbie ūstanatyn otbasyndaǧy qyzdyŋ basynan ötkenın sipattaityn, qasaŋ qaǧidalardy būzyp, özın ruhani tūrǧyda damyta otyryp jeŋıs pen jetıstıkke jetken sportşy ömırı turaly tuyndyny körermenge qūlşynys syilau maqsatynda ūsynyp otyr. Sporttyq dramada Mädina esımdı jelaiaq bapker moldanyŋ jattyqtyruymen qaladaǧy jarysqa qatysudy armandaidy. Bıraq Mädinanyŋ qatal aǧasy onyŋ taŋdauyn qūptamaidy. Ol Mädinanyŋ armanynyŋ oryndaluyna barynşa qarsylyǧyn körsetedı. «Būl serialdaǧy är keiıpkerdı synaq kütedı, bıraq olardyŋ ızgılıkke degen ūmtylysy bärın jeŋuge kömektesedı. Mädina sekıldı talaby taudai jas qyz bolsyn nemese Saǧdat aǧasy siiaqty qatal adam bolsyn, serialdan keiın körermen olardyŋ ıs-äreketınen özıne qajettı oi tüiedı. Joba dınnen alys adam üşın de qyzyq boluy mümkın, öitkenı serial ızgılık älemıne jäne osyndai san aluan keiıpkerler taǧdyryna üŋıletın qyzyqty zertteu siiaqty», - dedı joba rejisserı Berık Jahanov.
Unico älemdık festivaldar men kinonaryqtarda öz kompaniiasynyŋ jäne Qazaqstannyŋ basqa da öndıruşılerınıŋ jobalaryn ūsynudy jalǧastyruda. Mysaly, bırer apta būryn Fransiianyŋ Kann qalasynda «TWO» serialy körsetıldı. Al keşe «Jelmen jarysqandar» («Running to light») mediaindustriiadaǧy soŋǧy trendterge erekşe nazar audaratyn Dubai International Content Market (DICM) ırı kinonaryǧynda körsetıldı
«Is-şaraǧa BAÄ, Türkiia, Egipet, Katar, jäne Taiau jäne Qiyr Şyǧys elderınıŋ media-kompaniialary men jahandyq distribiutorlardyŋ ökılderı qatysty. Bızdıŋ jobamyzdyŋ prezentasiiasyna kelgender tuyndymyzǧa erekşe ıltipat bıldırdı. Körkemdık jäne öndırıs sapasyna joǧary baǧa berdı. Serialda köterıletın mäselenıŋ aktualdyǧyn jäne qasiettı Ramazan aiynda körsetuge laiyqty kontent ekendıgın erekşe atap öttı», - dedı Unico Rights kompaniiasynyŋ distribusiia jönındegı direktory Ekaterina Dunaeva.
«Jelmen jarysqandar» serialynyŋ keiıpkerlerın Quandyq Qystyqbai, Meiırǧat Amangeldin, Ainūr Bermūhambetova, Laura Myrzahmet, Maǧzaman Töreniiaz, Qajymūqan Qalymbetov, Baqytgül Serıkbaeva, Ermek Şynbolatov sekıldı daryndy akterlar somdaidy. Mädina rölındegı jas aktrisa Amina Orazbai üşın «Jelmen jarysqandar» debiut bolmaq.
«Jobaǧa daiyndyq barysynda men sportşynyŋ keiıpıne enu üşın ünemı jeŋıl atletika jattyǧularyna qatystym. Sondai-aq, keiıpkerıme üşın arnaiy hidjabtyŋ zamanaui jäne öte ädemı nūsqalary tıgıldı. Bükıl komanda tüsırılımge öte mūqiiat daiyndalyp, öz jūmystaryn tolyǧymen oryndady, bärımız nätijenı ystyq yqylaspen kütudemız», - dep atap öttı jas aktrisa Amina Orazbai.
Serial 13 bölımnen tūrady. Tūsaukeser 2026 jylǧa josparlanǧan.
foto aşyq derekközderden
Ärıptestık qoldau