Täuelsızdık künı qarsaŋynda «Auyl amanaty» jobasyna qatysuşylar arasyndaǧy üzdık şaruaşylyqqa arnalǧan respublikalyq konkurs qorytyndylandy. Is-şaraǧa Mäjılıs Spikerı, «AMANAT» partiiasynyŋ Töraǧasy Erlan Qoşanov, Premer-Ministrdıŋ orynbasary Tamara Düisenova, Premer-Ministrdıŋ keŋesşısı Eraly Toǧjanov, Qyzylorda oblysynyŋ äkımı Nūrlybek Nälıbaev jäne taǧy basqalar qatysty.
Öz sözınde Erlan Qoşanov osy künı halyqtyŋ şamamen 40%-y auyldyq jerlerde tūratynyn, sondyqtan Prezident Qasym-Jomart Toqaev özınıŋ sailaualdy baǧdarlamasynda auyl tūrǧyndarynyŋ tūrmys jaǧdaiyn jaqsartu jäne äl-auqatyn arttyru mäselesıne erekşe nazar audarǧanyn atap öttı.
«Memleket basşysynyŋ tapsyrmasy boiynşa «AMANAT» partiiasy el igılıgı üşın belsendı jūmys ıstep jatqan «Auyl amanaty» jobasyn ıske qosty. Biyl bızdıŋ partiia jobaǧa qatysuşylar arasyndaǧy üzdık şaruaşylyqtar men kooperativterdı jūrtqa körsetu üşın arnaiy konkurs ötkızdı. Olardyŋ täjıribesı bolaşaqta «Auyl amanaty» jobasyn jetıldıru üşın paidalanylady. Prezident aitqandai, jahandanu däuırınde halyqty saqtau üşın, eŋ aldymen, auyldy saqtauymyz kerek. Sondyqtan konkurs aiasynda bız auyl ömırıne erekşe nazar audarudy közdedık. Auyl – bızdıŋ altyn besıgımız, mädenietımızdıŋ, dästürımızdıŋ jäne ruhani ömırımızdıŋ sarqylmas qainary. Auylǧa degen qamqorlyq – ärqaisymyzdyŋ ötkenge, bügınge jäne bolaşaqqa degen qamqorlyǧymyz», – dedı ol.
Sonymen qatar, Erlan Qoşanov memleket tarapynan jüielı nazar audarudy talap etetın bırqatar özektı mäselenı atap öttı. Būl auyldardyŋ infraqūrylymyn damytu, auyl tūrǧyndary üşın kepılsız «tauarlyq nesie» engızu, auyldyq okrugter biudjetınıŋ kırıs bazasyn arttyru jäne taǧy basqalar.
Öz kezegınde, vise-premer Tamara Düisenova «Auyl amanaty» jobasy ıske qosylǧan sätten bastap 16 myŋǧa juyq auyl tūrǧyny jeke käsıbın bastau üşın 2,5% jeŋıldıkpen şaǧyn nesie alǧanyn, būl 17 myŋnan astam jūmys ornyn qūruǧa mümkındık bergenın aitty. Sondai-aq ol qazır şaǧyn nesie aluşylar öndıretın önımdı ötkızudı jolǧa qoiuǧa erekşe nazar audaru kerek ekenın atap öttı.
Al Premer-Ministrdıŋ keŋesşısı Eraly Toǧjanov joba auyldaǧy jūmyssyzdyq deŋgeiın aitarlyqtai tömendetuge arnalǧanyn atap öttı. Sondyqtan jobanyŋ barlyq artyqşylyǧy turaly tūrǧyndardy dūrys aqparattandyru maŋyzdy. Ol elımızdıŋ barlyq öŋırınen baiqauǧa qatysu üşın 250-den astam ötınım kelıp tüskenın atap öttı. Qazylar alqasynyŋ şeşımımen 30 ötınım 10 nominasiia boiynşa jüldelı oryndarǧa ie boldy.
Mäselen, Batys Qazaqstan oblysy Qosköl auylynyŋ tūrǧyny Damir Qadırov «Üzdık kooperativ» nominasiiasyn jeŋıp aldy. «Üzdık JQŞ» nominasiiasy boiynşa bırınşı oryn Maŋǧystau oblysy Aqşūqyr auylynan Aleksandra Grigolovaǧa būiyrdy. Aqtöbe oblysy Sarjanai auylynyŋ äkımı Medet Bekjanov Üzdık auyl äkımı atandy. «Üzdık tauar kreditory» nominasiiasynda Aqtöbe oblysy Baiqadam auylynyŋ tūrǧyny Aigül Töleuova jeŋıske jettı. Üzdık süt önımı üşın bırınşı oryn Abai oblysy Qarasu auylynyŋ tūrǧyny Darian Janbolatovaǧa būiyrdy. Qyzylorda oblysy Tasböget kentınıŋ tūrǧyny Gülzira Erniiazova et önımderın üzdık öndıruşı atandy. «Üzdık aspazdyq önım» nominasiiasy boiynşa bırınşı oryndy Jetısu oblysy Qaraşoqy auylynyŋ tūrǧyny Nazgül Şoqanova ielendı. Almaty oblysy Qarakemer auylynyŋ azamaty Omar Limtonov «Üzdık kökönıs-baqşa jäne jidek-jemıs önımderı» nominasiiasy boiynşa jeŋımpaz atandy. Auyldaǧy üzdık agrarlyq emes joba üşın bırınşı oryn demalys üiın aşyp, käsıbın örkendetıp otyrǧan Şyǧys Qazaqstan oblysy Jaŋa Ülbı auylynyŋ tūrǧyny Janna Abuǧalige berıldı. Al Batys Qazaqstan oblysy Darinsk auylynyŋ tūrǧyny Sergei Kaverin «Üzdık qaita öŋdeu käsıporny» nominasiiasyn jeŋıp aldy. Sonymen qatar, Qyzylorda oblysy Besaryq auylynyŋ käsıpkerı Mūrat Särsenbaev jobaǧa qoldau bıldırgenı üşın Alǧys hatpen marapattaldy.
Baiqauǧa qatysuşylar «Auyl amanaty» jobasy – memlekettıŋ Eŋbek adamyna degen qamqorlyǧynyŋ jarqyn ülgısı, auyl tūrǧyndarynyŋ tabysyn arttyrudyŋ qarapaiym ärı tüsınıktı qūraly ekenın atap öttı. Olar Memleket basşysyna jäne «AMANAT» partiiasyna körsetılgen qoldau üşın alǧys bıldırdı.
Sondai-aq, Besaryq auylynda «Auyl amanaty» aiasynda öndırılgen auyl şaruaşylyǧy önımderınıŋ körmesı öttı. Biyl auylda atalǧan joba aiasynda ülken öndırıstık ortalyq salyndy. Onda kartoptan jasalǧan fri, naubaihana, konditerlık seh, sondai-aq jartylai daiyn önımder, plastik ydys-aiaqtar, jūmysşylarǧa arnalǧan qolǧaptar, sabyn, şūlyq jäne aǧaş būiymdar şyǧaratyn käsıporyndar öz jūmysyn bastady. Sondai-aq, «Qyzylorda» supermarketı men kafe aşyldy.
Osy künı «AMANAT» partiiasynyŋ Töraǧasy Memleket basşysynyŋ tapsyrmasy boiynşa aşylǧan Qyzylorda qalasynyŋ «Qorqyt Ata» äuejaiyndaǧy jaŋa terminaldyŋ jūmysymen tanysty.
«AMANAT» partiiasynan