12 qazaqstandyq emşı dästürlı Qytai medisinasyn üirenu üşın Şensi ölkesınıŋ Sian qalasyna bardy. Būl turaly Ras.kz Qytaidyŋ «Halyq gazetıne» sılteme jasap habarlaidy.
Atalǧan BAQ-tyŋ keltırgen derekterıne süiensek, ekı aptalyq kurs tyŋdauşylary ekı topqa bölınıp oqidy. Oqytu kursy dästürlı Qytai medisinasynyŋ diagnostikalau men emdeu jäne sipattamalyq ädısterıne negızdele otyryp, jergılıktı medisinanyŋ negızgı teoriiasyn, balalar serebraldy sal auruyn, psihikalyq jäne basqa da jiı kezdesetın syrqattardy dästürlı Qytai medisinasy boiynşa emdeudı üiretedı. Kurs zamanaui medisinany dästürlı medisinamen, teoriialyq oqytu men klinikalyq taǧylymdamalardy bırıktıre otyryp jürgızılmek.
«Sian dästürlı Qytai medisinasy mi aurulary emhanasynyŋ halyqaralyq medisinalyq jäne inemen emdeu bölımınde qazaqstandyq emşıler ermenmen qaqtau, loŋqa qoiu, ine şanşu jäne basqa da dästürlı Qytai medisinasynyŋ ūtymdy täsılderın tıkelei üirenıp, jeke täjıribe jinaqtaidy. Sol arqyly dästürlı Qytai medisinasynyŋ ärtürlı emdeu ädısterın meŋgeredı», - dep jazdy qytailyq basylym.