Astana qalasy polisiia departamentınıŋ qyzmetkerlerı tüngı uaqytta pirotehnikalyq būiymdardy qoldanu faktılerın anyqtau jäne jolyn kesu jūmystaryn jalǧastyryp jatyr, — dep habarlaidy Polisia.kz. Kezektı qūqyq būzuşylyq faktısı elordadaǧy qonaqüilerdıŋ bırınıŋ maŋynda anyqtaldy. 50 jastaǧy er adam bolaşaq kelınınıŋ tuǧan künıne orai merekelık saliut ūiymdastyrǧan. Alaida merekenıŋ jarqyn finaly jaqyn maŋdaǧy tūrǧyn üi keşenderınde tūratyn azamattardyŋ tynyştyǧyn būzǧan. Qūqyq būzuşy sot şeşımımen bes täulık merzımge äkımşılık qamauǧa alyndy.
Osyǧan ūqsas taǧy bır jaǧdai elordanyŋ tūrǧyn audandarynyŋ bırınde tırkeldı. Anyqtalǧandai, 26 jastaǧy er adam qyz ūzatu räsımınen keiın jas otbasyn köpqabatty tūrǧyn üidıŋ maŋynda saliut atyp qūttyqtaudy ūiǧarǧan. Alaida merekelık maqsatqa qaramastan, onyŋ äreketı qoǧamdyq tärtıptı būzyp, tūrǧyndarǧa qolaisyzdyq keltırgen. Sot şeşımımen qūqyq būzuşyǧa bes täulık merzımge äkımşılık qamauǧa alu türındegı jaza taǧaiyndaldy. Polisiia qyzmetkerlerı elorda tūrǧyndary men qonaqtaryn zaŋ talaptaryn qataŋ saqtauǧa şaqyrady.
Aqparat közı Polisia.kz saitynda: https://polisia.kz/astanada-tunde-salyut-atqan-eki-er-adam-5-taulikke-qamaldy/