24 qaŋtarǧa qaraǧan tünı kommunaldyq qyzmetter elordadan 1078 jük kölıgıne teŋ qar şyǧardy, Būl – 15 myŋ 156 tekşe metr qar.
24 qaŋtar künı taŋerteŋ qar tazalau jūmysyna 2589 jol jūmysşy men 1518 arnaiy tehnika jūmyldyryldy.
Qys mezgılınıŋ basynan bastap poligondarǧa qaladan 303 318 reis arqyly 3 mln 850 572 tekşe metr qar şyǧaryldy.
Eŋ aldymen, erejege säikes, joldarda keptelıs bolmas üşın qozǧalysy öte qarqyndy oryndar tazartylady. Sondai-aq, qarqyndylyǧy ortaşa uchaskeler – alaŋdar, vokzal maŋy aumaqtary, trotuarlar, äleumettık nysandarǧa kırme joldar jäne t.b. tazartylady.
Ortalyq köşelerdı, jolauşylar kölıgı marşruttary jüretın oryndardy, aialdamalar men trotuarlarda tazalau da basymdyqqa ie.
Qalada bırneşe jabdyqtalǧan qar poligony bar. Olar samosval tehnikasynyŋ nömırlık belgılerın oqu jüiesımen jabdyqtalǧan, mūnda beinebaqylau kameralary ornatylyp, jaryqtandyru qosylǧan.
Elorda tūrǧyndary men qonaqtarynan joldarda abai boludy, qauıpsızdık erejelerın saqtaudy, dauyldy eskertu bolǧan jaǧdaida alys saparlarǧa şyqpaudy sūraimyz.
Tötenşe jaǧdai tuyndaǧan kezde «112» nömırıne habarlasyŋyz.