QMA Abai oblysy boiynşa departamentı prokuraturanyŋ üilestıruımen «Agrobiznes» jobasy aiasynda bölıngen biudjet qarajatyn jymqyru faktısı boiynşa tergeudı aiaqtady.
Atalǧan joba fermerlık şaruaşylyqtardy qoldauǧa baǧyttalyp, mal şaruaşylyǧyn jäne agrobiznestı damytu üşın jeŋıldetılgen nesieler berudı közdeidı.
«Ykybai» şarua qojalyǧynyŋ basşysy jalǧan qūjattardy paidalanyp, ırı qara mal satyp alu üşın jalpy somasy 250 million teŋgeden asatyn ekı nesie alǧan.
Alaida alynǧan qarajat mal şaruaşylyǧyn damytuǧa emes, jeke maqsattarǧa jūmsalǧan. Qūjattarda kepıl retınde körsetılgen mülık pen mal ıs jüzınde satyp alynbaǧan.
Memleketke keltırılgen zalal 211 mln teŋgenı qūrady.
Tergeu barysynda küdıktı keltırılgen zalaldy tolyq kölemde ötedı.
Oǧan qatysty elden şyqpau jäne tiıstı mınez-qūlyq saqtau turaly būltartpau şarasy taŋdaldy.
Qylmystyq ıs sotqa joldandy.
Özge mälımetter QR Qylmystyq-prosestık kodeksınıŋ 201-babyna säikes jariia etılmeidı.
Aita ketu kerek, mūndai qylmystar agrobizneske körsetıletın memlekettık qoldauǧa degen senımdı älsıretıp, adal käsıpkerlerdıŋ auyl şaruaşylyǧyn damytu mümkındıgın şekteidı.
Būl öz kezegınde salanyŋ tūraqtylyǧy men jalpy ekonomikaǧa kerı äserın tigızedı.
QR QMA Baspasöz qyzmetı