اباي وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، قازىرگى ۋاقىتتا ءتارتىپ ساقشىلارى كۇدىكتىنى ىزدەستىرىپ جاتىر.
«ءىستىڭ بارلىق ءمان-جايىن انىقتاۋعا باعىتتالعان جەدەل ىزدەستىرۋ شارالارى جۇرگىزىلىپ جاتىر. ءتيىستى ساراپتامالار تاعايىندالعان. جاڭا تۋعان نارەستەنىڭ ولىمىنە قاتىستى سوتقا دەيىنگى تەرگەۋ باستالدى»، - دەلىنگەن اقپاراتتا.
قازاقستان رەسپۋبليكاسىنداعى بالا قۇقىقتارى جونىندەگى ۋاكىل دينارا زاكيەۆا شاقالاقتىڭ ساعات 19.40-تا كوز جۇمعانىن ءمالىم ەتتى.
«ونىڭ دەنەسىنىڭ 80 پايىزىن كۇيىك شالعان. اباي وبلىسىنداعى بالا قۇقىقتارى جونىندەگى ۋاكىلمەن بايلانىستامىن»، - دەپ جازدى ول ءوزىنىڭ الەۋمەتتىك جەلىدەگى پاراقشاسىندا.
ەسكە سالساق، وسىدان ەكى جىل بۇرىن الماتى وبلىسىنىڭ سارقان اۋدانىندا قوقىستا ءۇش اي بويى جاتقان بەس جاسار بالانىڭ مۇردەسى تابىلعان بولاتىن.