بولات وتەمۇراتوۆ قورى قىزىلوردا وبلىستىق ورتالىق «اقمەشىت-سىرداريا» مەشىتىندە جوندەۋ جانە قالپىنا كەلتىرۋ جۇمىستارىن اياقتادى. مەشىت قازاقستان مۇسىلماندارى ءدىني باسقارماسىنىڭ قاراماعىنداعى رەسپۋبليكالىق يسلام ءدىني بىرلەستىگىنە جاتادى.
«اقمەشىت-سىرداريا» – قىزىلوردا وبلىسىنداعى ماڭىزدى رۋحاني ءارى قوعامدىق نىسانداردىڭ ءبىرى. مەشىت 2 مىڭ ادامعا ارنالعان، جالپى اۋماعى 3 158 شارشى مەتردى قۇرايدى. قوردىڭ قولداۋىمەن مەشىتتىڭ قاسبەتى بىركەلكى اق ءمارمار جانە قويۋ ءتۇستى گرانيتپەن جاڭارتىلدى. سونىمەن قاتار مەشىتتىڭ ىشكى بولمەلەرى مەن ينجەنەرلىك جۇيەلەرى جاڭارتىلىپ، كىرەبەرىس ەسىكتەرى مەن تەرەزەلەرى اۋىستىرىلدى. ناماز زالدارىنا جەلدەتۋ جانە اۋانى باپتاۋ جۇيەلەرى ورناتىلدى.
«اقمەشىت-سىرداريا» مەشىتى 2008 جىلى بولات ءجاميتۇلى وتەمۇراتوۆتىڭ قولداۋىمەن بوي كوتەردى. سودان بەرى ول قىزىلوردانىڭ رۋحاني جانە مادەني-اعارتۋشىلىق ومىرىندە وزىندىك ورنى بار. بۇگىندە مەشىتكە كۇن سايىن شامامەن 1 مىڭ ادام كەلەدى. ءبىز ءۇشىن اراعا جيىرما جىلعا جۋىق ۋاقىت سالىپ، بولات وتەمۇراتوۆ قورىنىڭ مەشىتكە قايتا قولداۋ كورسەتۋى ماڭىزدى. جۇرگىزىلگەن جۇمىستار مەشىتتىڭ كەلبەتىن ساقتاي وتىرىپ، كەلۋشىلەرگە قولايلى جاعداي جاساۋعا مۇمكىندىك بەردى. قولداۋ كورسەتكەن قورعا العىسىمىزدى بىلدىرەمىز»، – دەيدى «اقمەشىت-سىرداريا» مەشىتىنىڭ باس يمامى داستان قۇرمانباەۆ.
جوندەۋ جۇمىستارىنا 867 ملن تەڭگە جۇمسالدى. جوندەۋ جۇمىستارى التى اي بويى مەشىتتىڭ قالىپتى جۇمىسىن توقتاتپاي جۇرگىزىلدى.
«بۇل – بولات وتەمۇراتوۆ قورىنىڭ قىزىلوردا وبلىسىنداعى العاشقى جوباسى ەمەس. بۇعان دەيىن قور «قورقىت اتا» اۋەجايىنىڭ جاڭا تەرمينالىن ىسكە قوستى، «اسىل ميراس» اۋتيزم-ورتالىعىن اشىپ، پەريناتالدىق ورتالىقتى قاجەتتى مەديتسينالىق قۇرال-جابدىقتارمەن قامتاماسىز ەتتى. قازىر قورقىت اتا اتىنداعى قىزىلوردا ۋنيۆەرسيتەتى جانە بەركليدەگى كاليفورنيا ۋنيۆەرسيتەتىمەن بىرلەسىپ، ارال تەڭىزىنىڭ قۇرعاپ قالعان ءتۇبىنىڭ ەكوجۇيەسىن قالپىنا كەلتىرۋ جوباسىن جۇزەگە اسىرىپ جاتىرمىز. مەشىتتى جاڭارتۋ – قوردىڭ وڭىردەگى جۇيەلى جۇمىسىنىڭ جالعاسى»، – دەيدى بولات وتەمۇراتوۆ قورىنىڭ باس ديرەكتورى اينۇر كارىبوزوۆا.
بولات وتەمۇراتوۆ قورى 2014 جىلدان بەرى قازاقستاننىڭ ءتۇرلى وڭىرلەرىندە ءبىلىم بەرۋ، دەنساۋلىق ساقتاۋ، ينكليۋزيا، مادەنيەت، ەكولوگيا جانە الەۋمەتتىك قولداۋ باعىتتارىندا جوبالاردى جۇزەگە اسىرىپ كەلەدى. ولاردىڭ قاتارىندا ەسىك پەن قوسشىداعى مەكتەپتەر، قوسشىداعى كوميۋنيتي-ورتالىق جانە جەزقازعانداعى «شابىت» بالالار مەن جاسوسپىرىمدەر شىعارماشىلىق ورتالىعى بار.
2014 جىلدان بەرى قوردىڭ الەۋمەتتىك جوبالارعا باعىتتاعان قاراجاتى 250 ملن دوللاردان استى.
بولات وتەمۇراتوۆ قورىنىڭ ءباسپاسوز قىزمەتى