جوبانىڭ باس سەرىكتەسى “سامۇرىق-قازىنا” ااق، سەرىكتەسى “سپورت قورى” بولىپ تابىلادى. “ۇلتتىق سپورتتىڭ جوعارى مەكتەبى” جانىنان قۇرىلعان كەشەندى عىلىمي توپ قۇرامىندا ەلىمىزگە بەلگىلى فيزيولوگ، زووتەحنيك، يپپولوگ، سپورت پسيحولوگى، بيوحيميك عالىمدار جۇمىس جاساپ جاتىر. عالىمدار سپورتشىلارعا جۇرگىزىلگەن زەرتتەۋلەردىڭ قورىتىندىسىن گەنەتيكالىق پاسپورت ۇلگىسىندە ازىرلەدى. گەنوتيپتەۋ ناتيجەلەرىن ءتۇسىندىرۋ اۆتورلىق ازىرلەمە نەگىزىندە جۇرگىزىلدى. بۇل پروفيلدەگى گەنەتيكالىق پارامەترلەر جيىنتىعى نەگىزىنەن ءۇش فيزيكالىق قاسيەتتىڭ ماركەرلەرىن (جىلدامدىق، كۇش، توزىمدىلىك), سونداي-اق قاڭقا بۇلشىقەتتەرى مەن ميوكاردتىڭ مورفوفۋنكتسيونالدى ەرەكشەلىكتەرىنىڭ ماركەرلەرىن قامتيدى. بۇل تەست ەپتىلىكتى، يكەمدىلىكتى جانە سپورتتىق ءىس-ارەكەتتە ماڭىزدى بولۋى مۇمكىن باسقا دا ەرەكشەلىكتەردى انىقتاۋعا ارنالماعان.