ەكى نىسان دا بيىل قولدانىسقا بەرىلگەن، اشىلعانىنا كوپ ۋاقىت بولماسا دا جۇمىسى جۇيەگە تۇسكەن. بالالار مەن جاسوسپىرىمدەرگە ارنالعان «سىر جۇلدىزدارى» شىعارماشىلىق-يننوۆاتسيالىق اكادەمياسىنا ءبىر مەزەتتە 500, تاۋلىگىنە 3 مىڭ وقۋشى كەلىپ، سپورتپەن اينالىسىپ، شىعارماشىلىق قابىلەتىن شىڭداي الادى. ول ءۇشىن باسسەين، توپتىق جاتتىعۋ، كوركەم گيمناستيكا جانە فيتنەس، ۇستەل ويىندارىنا ارنالعان، جەكپە-جەك زالدارى بار. كەسكىندەمە، سۋرەت سالۋ، رەزين ارت بولمەسى، بالالار شىعارماشىلىعى شەبەرحاناسى، ساندىك-قولدانبالى ونەر، FabLab, دىبىس جازۋ ستۋدياسى، روبوتوتەحنيكا جانە جاساندى ينتەللەكت، بيوتەحنولوگيا، 3D مودەلدەۋ، كيبەرسپورت جانە ماتەماتيكا كابينەتتەرى دە تالاپتى شاكىرتتەردىڭ قىزىعۋشىلىعىنا ساي جابدىقتالعان.
بالا تاربيەسىندەگى ماڭىزدى تارماق – ولاردىڭ بوس ۋاقىتىن ءتيىمدى ۇيىمداستىرۋ. «سىر جۇلدىزدارى» قىزىلوردالىق جەتكىنشەكتەردىڭ ارمانىنا قانات بايلاعان، بولاشاعىنا باعىت بەلگىلەيتىن مەكەنگە اينالىپ كەلەدى.
«قىزىلوردا-نان» جاۋاپكەرشىلىگى شەكتەۋلى سەرىكتەستىگىنىڭ نان-توقاش، كونديتەرلىك جانە ماكارون ونىمدەرىن وندىرەتىن كەشەنى بيىل قازان ايىندا ىسكە قوسىلدى. تۇرعىنداردى ساپالى نان ونىمدەرىمەن قامتاماسىز ەتەتىن جاڭا كەشەن
تەك وندىرىستىك عانا ەمەس، الەۋمەتتىك جاعىنان دا ماڭىزدى نىسان بولىپ ەسەپتەلەدى.
ءوندىرىس تولىعىمەن اۆتوماتتاندىرىلعان. ونىمدەردىڭ 30 پايىزعا جۋىعى كاسىپورىننىڭ جەكە ساۋدا جەلىلەرى ارقىلى ساتىلادى، ال 70 پايىزى قالاداعى جانە ونىڭ ماڭىنداعى دۇكەندەرگە جەتكىزىلەدى.
ۇكىمەت باسشىسىنىڭ كەڭەسشىسى ايماقتاعى سەرپىندى جوبالارعا وڭ باعاسىن بەردى.
قىزىلوردا وبلىسى اكىمىنىڭ ءباسپاسوز قىزمەتى