مۇقاعالي اقىننىڭ ەرەكشەلىگى، ول - وزىنە دەيىنگى ولەڭ مەن ۇلتتىق مەكتەپتە قالىپتاسقان ۇلى ساباقتاستىقتى ءارى قاراي جالعاستىرىپ، ەرەكشە باعىتتا دامىتتى. وسىلايشا، ۇلتتىق قۇندىلىقتارىمىزدى جاڭا بيىككە كوتەردى.
بولمىسى ەرەكشە اقىن كەزىندە "سوتسياليستىك قازاقستان" گازەتىنىڭ، "مادەنيەت جانە تۇرمىس", "جۇلدىز" جۋرنالدارىنىڭ رەداكتسياسىندا، كەيىن قازاقستان جازۋشىلار وداعىندا ابىرويلى قىزمەت اتقاردى.
اقىن 1931 جىلى 9 اقپاندا الماتى وبلىسى، قازىرگى رايىمبەك (بۇرىنعى نارىنقول) اۋدانىنىڭ قاراساز اۋىلىندا دۇنيەگە كەلگەن. اكەسى سوعىستا قازا تاۋىپ، اناسى مەن اجەسىنىڭ تاربيەسىندە وسەدى.
اقىننىڭ تۇڭعىش ولەڭدەرى «قىرمان باسىندا»، «قويشى بالا - اكىتاي» اۋداندىق «سوۆەتتىك شەكارا» گازەتىندە جاريالاندى
م. ماقاتاەۆتىڭ «قارلىعاشىم، كەلدىڭ بە؟»، «داريعا جۇرەك» (1972 ج.), «اققۋلار ۇيىقتاعاندا»، «شۋاعىم مەنىڭ» (1975 ج.), «سوعادى جۇرەك»، «شولپان»، «جىرلايدى جۇرەك»، «ءومىر-وزەن»، «ءومىر-داستان» جانە ت.ب. جىر جيناقتارى، سونداي-اق، «قوش، ماحاببات!» (1988 ج.) اتتى پروزالىق كىتابى دا بار