تەرگەۋ ناتيجەسىندە بۇرىنعى اۋىل شارۋاشىلىعى مينيسترلىگى دەپارتامەنتىنىڭ ديرەكتورى ب.س.ايمبەتوۆتىڭ 2018-2022 جىلدار ارالىعىندا جامبىل جانە تۇركىستان وبلىستارىندا سۋبسيديا الۋ كەزىندە الاياقتىققا قاتىسى بار ەكەنى انىقتالدى.
ب.ك. ابيشەۆ پەن ب.س. ايمبەتوۆ 29 اۋىلشارۋاشىلىق كووپەراتيۆىنىڭ ەلەكتروندىق تسيفرلىق قولتاڭبالارىن پايدالانىپ، ەليتالىق تۇردەگى مالينا كوشەتتەرىنىڭ جالعان جەتكىزىلۋى تۋرالى قۇجاتتاردى قولدانا وتىرىپ، جالپى سوماسى 1,5 ميلليارد تەڭگە بولاتىن سۋبسيديالاردى العان.
تەرگەۋ سوتى ب.س. ايمبەتوۆكە قاتىستى ەكى ايعا «قاماۋدا ۇستاۋ» شاراسىن سانكتسيالادى.
تەرگەۋ جالعاسۋدا. باسقا اقپاراتتار قىلمىستىق ءىس جۇرگىزۋ كودەكسىنىڭ 201-بابىنا سايكەس جاريالاۋعا جاتپايدى. ەگەر سىزگە ەكونوميكالىق قۇقىق بۇزۋشىلىق جاساۋ فاكتىلەرى بەلگىلى بولسا، بۇل تۋرالى "افم Insider" تەلەگرام بوتىنا حابارلاۋىڭىزدى سۇرايمىز.
انونيمدىلىككە كەپىلدىك بەرىلەدى.
قارجىلىق مونيتورينگ اگەنتتىگى