بۇعان دەيىن وقۋ-اعارتۋ مينيسترلىگى ءتسدياوم-مەن بىرلەسىپ وقۋشىلار مەن پەداگوگتەردى باعدارلامالاۋ نەگىزدەرىنە وقىتاتىن ونلاين ءبىلىم بەرۋ پلاتفورماسىنىڭ پيلوتتىق جوباسىن ىسكە قوسقان بولاتىن. ول بويىنشا بۇگىندە 300 پەداگوگ پەن ترەنەر «جاساندى ينتەللەكت» جانە Game Development باعىتتارى بويىنشا بىلىكتىلىگىن ارتتىرۋدا. مينيسترگە وقىتۋشىنىڭ قاتىسۋىنسىز جانە ءدارىسسىز ادىستەمە بويىنشا ستدەنتتەردىڭ ءوزارا وقىتۋ قاعيداتتارىنا نەگىزدەلگەن Tomorrow School جاساندى ينتەللەكت مەكتەبى تانىستىرىلدى. عاني بەيسەمباەۆ جاساندى ينتەللەكت ماماندارىن دايارلاۋعا ارنالعان بۇل جوبانىڭ مەكتەپ وقۋشىلارىنا بەيىمدەلگەن نۇسقاسىن جاساۋ ماسەلەسىن پىسىقتاۋدى ۇسىندى.
«قازىرگى دامۋ ۇدەرىستەرى ءبىلىم بەرۋ پروتسەسىن تسيفرلىق ترانسفورماتسيالاۋ بويىنشا جاڭا ۇستانىمدى، تىڭ ءادىس-ءتاسىلدى تالاپ ەتەدى. جاس ۇرپاققا زاماناۋي تالاپقا ساي ساپالى، باسەكەگە قابىلەتتى ءبىلىم بەرۋ ءۇشىن ءاربىر پەداگوگتىڭ ءىت-قۇزىرەتتىلىگىن ارتتىرۋعا، مەكتەپتەر مەن كوللەدجدەردە تسيفرلىق ءبىلىم بەرۋ ورتاسىن قۇرۋعا، ساپالى كونتەنت ۇسىنۋعا باسا ءمان بەرىلۋى كەرەك. سونىمەن قاتار ءبىلىم الۋشىلاردىڭ تسيفرلىق قاۋىپسىزدىگى ءبىرىنشى كەزەكتە قامتاماسىز ەتىلۋى ءتيىس»، - دەدى عاني بەيسەمباەۆ.
سونداي-اق مينيسترگە ءبىلىم بەرۋ ۇيىمدارىنىڭ قاۋىپسىزدىگىن قامتاماسىز ەتۋگە، ورتاق ءبىلىم بەرۋ ەكوجۇيەسىن قۇرۋعا، جاسوسپىرىمدەرگە كاسىپتىك باعىت-باعدار بەرۋگە، وليمپيادا قاتىسۋشىلارىن وفلاين فورماتتا قاشىقتىقتان وقىتۋعا باعىتتالعان وتاندىق IT-قىزمەتتەر مەن ونىمدەرىنىڭ تانىستىرىلىمى ۇسىنىلدى.
ايتا كەتۋ كەرەك، بۇگىندە مەملەكەت باسشىسىنىڭ تاپسىرماسىنا سايكەس ءبىلىم بەرۋ سالاسىن تسيفرلاندىرۋ بويىنشا كەشەندى جۇمىستار جۇرگىزىلۋدە. قازاقستاندىق مەكتەپتەردە ينتەرنەت ساپاسى ءۇش ەسە جاقسارتىلدى، بارلىق مەكتەپ وقۋلىقتارى تسيفرلىق فورماتقا كوشىرىلىپ، ول 11 پلاتفورماعا جۇكتەلدى. ءبىلىم بەرۋ رەسۋرستارىنىڭ قولجەتىمدىلىگىن ارتتىرۋ ماقساتىندا eGovMobile ءموبيلدى قوسىمشاسىندا «Bilim» سەرۆيسى ىسكە قوسىلدى، سونداي-اق ورتا ءبىلىم اتتەستاتى، تەحنيكالىق جانە كاسىپتىك ءبىلىم ديپلومدارى ەلەكتروندى ۇكىمەت پورتالىنداعى تسيفرلىق قۇجاتتاردىڭ تىزبەسىنە ەندى.
ارىپتەستىك نەگىزدە