ءىس-شارا بارىسىندا مۇشە مەملەكەتتەردىڭ وكىلدەرى گەوساياسي احۋالدى، يسلام الەمى الدىندا تۇرعان سىن-قاتەرلەر مەن قاۋىپتەردى، سونىڭ ىشىندە تاياۋ شىعىستاعى اعىمداعى وقيعالاردى تالقىلاندى، - دەلىنگەن ءباسپاسوز حابارلاماسىندا.ء وز سوزىندە م. نۇرتىلەۋ يىۇ-نىڭ وڭىردەگى مۇسىلمان ۇمبەتىنىڭ ەلدەرىندە بەيبىتشىلىك پەن تۇراقتىلىقتى قامتاماسىز ەتۋ ماسەلەلەرىنە بەلسەندى قاتىسۋىنىڭ ماڭىزدىلىعىن اتاپ ءوتىپ، يىۇ مەن اراب مەملەكەتتەرى ليگاسى مۇشەلەرىن اعىمداعى قاقتىعىستاردى تەز ارادا رەتتەۋ بويىنشا ناقتى ۇسىنىستار ازىرلەۋگە شاقىردى.
قر سىرتقى ساياسي ۆەدومستۆوسىنىڭ باسشىسى حالىقارالىق قاۋىمداستىقتىڭ گولان شىڭدارىندا، ليۆاندا جانە الەمنىڭ باسقا ايماقتارىنداعى بۇۇ-نىڭ بىتىمگەرشىلىك ميسسيالارىنىڭ ماڭىزدى ءرولىن ەستەن شىعارماۋى كەرەكتىگىن ەرەكشە اتاپ ءوتتى.
وسىعان بايلانىستى بۇۇ-نىڭ بىتىمگەرشىلەرىنە جانە ديپلوماتيالىق ميسسيالارعا جاسالعان شابۋىلداردىڭ حالىقارالىق جانە گۋمانيتارلىق قۇقىقتىڭ ورەسكەل بۇزىلۋى بولىپ تابىلاتىندىعى جانە وعان جول بەرمەۋ قاجەتتىلىگى اتالىپ ءوتتى.
قازاق دەلەگاتسياسىنىڭ باسشىسى سونداي-اق يىۇ-عا مۇشە مەملەكەتتەردى ازىق-تۇلىك قاۋىپسىزدىگى جونىندەگى يسلام ۇيىمىنىڭ الەۋەتىن پايدالانۋعا جانە زارداپ شەككەن پالەستينانىڭ تۇرعىندارىنا ازىق-تۇلىكپەن كومەك كورسەتۋ ءۇشىن وسى ۇيىمنىڭ قارجى جيناۋ باستاماسىن قولداۋعا شاقىردى. سامميت اياسىندا قر سىرتقى ساياسي ۆەدومستۆوسىنىڭ باسشىسى مالايزيا پرەمەر-ءمينيسترى انۆار يبراگيممەن جانە برۋنەي سىرتقى ىستەر ءمينيسترى ەريۆان يۋسۋفپەن، گۆينەيا-بيساۋ سىرتقى ىستەر ءمينيسترى كارلوس پينتو پەرەيرامەن، كۋۆەيت سىرتقى ىستەر ءمينيسترى ابدۋللا الي ءال-ياحيامەن، قىرعىزستان سىرتقى ىستەر ءمينيسترى جەەنبەك كۋلۋباەۆپەن، مالي سىرتقى ىستەر ءمينيسترى ابدۋلاي ديوپپەن، ماروككو سىرتقى ىستەر ءمينيسترى ناسسەر بۋريتومەن، ومان سىرتقى ىستەر ءمينيسترى بادر بين حاماد ءال-بۋسايديمەن، ساۋد ارابياسى سىرتقى ىستەر ءمينيسترى فايسال بين فارحان ءال ساۋدپەن جانە تۋنيس سىرتقى ىستەر ءمينيسترى مۇحامەد الي نافتيمەن ەكىجاقتى كەزدەسۋلەر وتكىزىپ، ولاردىڭ بارىسىندا تاراپتار ساياسي، ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى.